40 ބިދޭސީއަކު ފާސްކޮށް ގަވާއިދާ ހިލާފަށް އުޅުނު 10 ބިދޭސީއަކު އަތުލައިގަނެފި

40 ބިދޭސީއަކު ފާސްކޮށް، ގަވާއިދަށް ހިލާފަށް އުޅެމުންދިޔަ 10 ބިދޭސީއަކު މޯލްޑިވްސް އިމިގްރޭޝަނުން އަތުލައިގެންފި އެވެ.

އެ މީހުން އަތުލައިގަތީ ހުޅުމާލޭގެ ހައިވަކަރު މަގުގައި ހިމެނޭ އެކޮމޮޑޭޝަން ބްލޮކްތަކާއި އެ ސަރަހައްދުތަކުގައި މިމަހުގެ 16 ވަނަ ދުވަހުގެ ރޭ ހިންގި އޮޕަރޭޝަނެއްގައެވެ. އެ އޮޕަރޭޝަންގައި ވަޒީފާ ދިން ފަރާތަށް ފިލައިގެން އުޅޭ ކަމަށް ރިޕޯޓުކޮށްފައިވާ މީހަކު ވެސް ހިމެނޭ ކަމަށް އިމިގްރޭޝަނުން ބުންޏެވެ.

ގަވާއިދާ ހިލާފަށް އުޅެމުންދިޔަ ބިދޭސީން ހޯދަން އިމިގްރޭޝަނުން ދަނީ ރާއްޖޭގެ އެކި ކަންކޮޅުތަކުގައި އޮޕަރޭޝަންތައް ހިންގަމުންނެވެ. އެ އޮޕަރޭޝަންތަކުގައި ރާއްޖޭގައި ގަވާއިދާ ހިލާފަށް އުޅެމުން އަންނަ، ސައްހަ ވިސާއެއް ނެތި ރާއްޖޭގައި މަސައްކަތް ކުރަމުން އަންނަ ގިނަ ބިދޭސީން ވަނީ ހިފަހައްޓައިފަ އެވެ.