ސްރީ ލަންކާއަށް މިހާރު ކުރަމުންދާ ވިއްސާރައިގައި ކުރުނޭގަލަ ޑިސްޓްރިކްޓުގެ ޕައްނަލަ ނަމަކަށް ކިޔާ ސަހަރެއްގައި ހުންނަ މުސްކުޅިން ބަލަހައްޓާ ސެންޓަރަކުން 11 މީހަކު މަރުވެއްޖެ އެވެ.
ލަންކާގެ ނޫސްތަކުން ރިޕޯޓް ކޮށްފައިވާ ގޮތުން އެ މީހުން މަރުވީ ވާރޭވެހުމުގެ ސަބަބުން އެ ސެންޓަރުގެ ތެރޭގައި ފެންބޮޑުވެ ނުނިކުމެވި ތާށިވުމުގެ ސަބަބުންނެވެ. މަރުވި އެންމެންގެ ތެރޭގައިވެސް ހިމެނެނީ އަންހެނުން ކަމަށްވެސް ރިޕޯޓްތައް ބުނެ އެވެ.
ކަމާބެހޭ އިދާރާތަކާ ހަވާލާދީ ލަންކާގެ ނޫސްތަކުން ރިޕޯޓް ކޮށްފައިވާ ގޮތުގައި އެ ސެންޓަރު އެއްކޮށް ކަހަލަ ގޮތަކަށް ހުރީ ފެނު އަޑީގައެވެ. ނަމަވެސް އެމަޖެންސީ ރެސްޕޮންޑާސް އާއި ވޮލަންޓިއަރުން ކުރި ބުރަ މަސައްކަތުން އެތަނުގެ ތެރެއިން 14 މީހަކު ސަލާމަތްކުރި ކަމަށް ރިޕޯޓްތައް ބުނެ އެވެ.
ތޫފާން ”ޑިޓްވާ“އާ ގުޅިގެން ކުރަމުންދާ ވިއްސާރައިގެ ސަބަބުން ލަންކާގައި ފެންބޮޑުވެ ބިންގަނޑު ކަނޑައިގެން ދިއުމުގެ އެތައް ހާދިސާއެއް ދަނީ ހިނގަމުންނެވެ. އެ ހާދިސާތަކުގައި މިހާތަނަށް މަރުވި މީހުންގެ އަދަދު 150 އިން މައްޗަށް އަރާފައިވާ ކަމަށް ރިޕޯޓްތައް ބުނެ އެވެ.




ގުޅުންހުރި
ލަންކާ އިން ގެއްލުނު ދިވެހި އާއިލާ ފެނިއްޖެ
ރާއްޖެއިން ހިފެހެއްޓި ޑްރަގު ބޯޓު ލަންކާއާ ހަވާލުކުރަނީ
ޑްރަގު ބޯޓުން ފެނުނީ 58.6 ކިލޯގެ ހެރޮއިން އާއި 355.9 ކިލޯގެ
ޑްރަގް ބޯޓުގެ ތަހުގީގަށް ލަންކާގެ ޓީމެއް ރާއްޖޭގައި
ރާއްޖެއިން އަތުލައިގަތް ބޯޓުގައި 300 ކިލޯގެ ޑްރަގު، މައުލޫމާތު ދިނީ ލަންކާ
ލަންކާއަށް އެތެރެކުރުމަށް މަސްބޯޓަށް މަސްތުވާތަކެތި އެރުވީ ރާއްޖެއަކުން ނޫން: ފުލުހުން