އީރާނުގެ ސުޕްރީމް ލީޑަރަށް ކޮންމެ މީހަކު އައްޔަންކުރިޔަސް އެއީ ނައްތާލަންޖެހޭ މީހެއް: އިޒްރޭލު

އީރާނުގެ ސުޕްރީމް ލީޑަރުގެ މަގާމަށް ކޮންމެ ބޭފުޅަކު އައްޔަން ކުރި ނަމަވެސް އެ މީހަކީ ނައްތާލަންޖެހޭ އަމާޒަކަށްވާނެ ކަމަށް ޔަހޫދީ އިޒްރޭލުގެ ޑިފެންސް މިނިސްޓަރު އިޒްރޭލް ކަޓްޒް ބުނެފި އެވެ.

އޭނާ އެގޮތަށް އިންޒާރު ދީފައިވަނީ އެކްސްގައި ކުރި ޕޯސްޓެއްގައެވެ.

”އިޒްރޭލު ސުންނާފަތިކުރުމުގެ ރޭވުން ކުރިއަށް ގެންގޮސް އެކަމަށް މަގުދައްކައި، އެމެރިކާއާއި މިނިވަން ދުނިޔެއާއި މި ސަރަހައްދުގެ ގައުމުތަކަށް ބިރު ދައްކައި، އަދި އީރާނުގެ ރައްޔިތުން ފިއްތައި ހާލުގައި ޖެއްސުމަށްޓަކައި އީރާނުގެ ޓެރަރިސްޓް ސަރުކާރުން އައްޔަންކުރާ ކޮންމެ ލީޑަރަކީވެސް ނައްތާލަންޖެހޭ އަމާޒަކަށް ވާނެ!“ ކަޓްޒް ލިޔެފައިވެ އެވެ.

އިޒްރޭލުން 27 ފެބްރުއަރީގައި ދިން ހަމަލާއެއްގައި އީރާނުގެ ސުޕްރީމް ލީޑަރު އާޔަތުالله އަލީ ހާމަނާއީ އަވަހާރަކޮށްލައިފަ އެވެ. އަދި އީރާނުގެ އާ ސުޕްރީމް ލީޑަރަކު އައްޔަންކުރުމުގެ ކަންތައް ކުރިއަށް ގެންދާ އިމާރާތަކަށް އިޒްރޭލުން އިއްޔެ ވަނީ ހަމަލާދީފަ އެވެ.