.
23 August 2019
މަޤްބޫލު ޙަބަރު

ގާނާގެ ކުރީގެ ފުޓްބޯޅަ ތަރި އަގޯގޯ އުމުރުން 40 އަހަރުގައި މަރުވެއްޖެއެވެ.

އަގޯގޯ ވަނީ ގާނާގެ ގައުމީ ޓީމުގެ އިތުރުން ނޮޓިންގްހަމް ފޮރެސްޓް އަދި ބްރިސްޓަލްއަށް ވެސް ކުޅެފައެވެ.

އަގޯގޯ ވަނީ މަސްހޫރު ގިނަ ކްލަބްތަކަކަށް ކުޅެދީފައެވެ. އެގޮތުން އިނގިރޭސި ކްލަބް ބެނެޓްގެ އިތުރުން ޗެސްޓަރ ފީލްޑަށް ކުޅެ އޭނާ ވަނީ ގިނަ ކާމިޔާބީ ތަކެއް ހޯދައިފައެވެ.

އަގޯގޯގެ ކުރީގެ ކްލަބް ޝެފިލްޑް އިން ބުނީ އަގޯގޯގެ މަރުގެ ހަބަރުގެ ސަބަބުން އެޓީމުން އެކަމާއި ހިތާމަ ކުރާ ކަމަށާއި އެ ޓީމުން މި ހިތާމައިގައި ބައިވެރިވާކަމަށެވެ.

ބެނެޓްއަށް ކުޅުނު އެންމެ ޒުވާން ކުޅުންތެރިޔާގެ އިތުރުން އެ ކްލަބުން ހޮވާ އެންމެ މޮޅު ކުޅުންތެރިޔާގެ މަގާމް ވެސް ދެފަހަރު ހޯދައިފައިވާ އަގޯގޯ ވަނީ ބެނެޓް އަށް ކުޅުނު 39 މެޗުގައި 21 ލަނޑު އެޓީމަށް ކާމިޔާބު ކޮށްދީފައެވެ.

އަގޯގޯ ވަނީ އޭނާގެ ކެރިޔަރުގައި 15 ކްލަބަށް ކުޅެފައެވެ. އޭނާ ވަނީ ކުޅުނު 350 މެޗުން 113 ލަނޑު ޖަހައިފައެވެ. އޭނާގެ ކެރިޔަރ ނިންމައިލި ކްލަބަކީ ސްކޮޓްލޭންޑްގެ ކްލަބް ހިބްސްއެވެ.

ޝެފިލްޑް އިން ސީނިއާ ކެރިޔާ ފެށި އަގޯގޯ ވަނީ ގައުމީ ޓީމަށް 27 މެޗު ކުޅެދީ 12 ލަނޑު ޖަހައިދީފައެވެ.

Leave a Reply

Your email address will not be published.

haftha.mv ©