ޖަޕާންގެ ޓޯކިޔޯގެ ހަނެޑާ އެއާޕޯޓަށް ޖައްސަން ދިޔަ ޖަޕާން އެއާލައިންސްގެ މަތިންދާ ބޯޓެއް، ގްރައުންޑްގައި އޮތް އެހެން ބޯޓެއްގައި ޖެހި ރޯވެއްޖެ އެވެ.
ދަ ޖަޕާން ޓައިމްސްގައި ބުނެފައިވާ ގޮތުން، ރޯވި ޖަޕާން އެއާލައިންސްގެ ފްލައިޓުގައި 367 ފަސިންޖަރުންނާއި 12 ކުރޫ މެންބަރުން ދަތުރުކުރި އެވެ. އެ އެންމެންވެސް ވަނީ ސަލާމަތްކޮށްފަ އެވެ. ނަމަވެސް ހާދިސާގައި އެއްވެސް މީހަކަށް އަނިޔާއެއް ލިބުނު ކަމެއް އަދި ނޭނގެ އެވެ.
ޖަޕާން ކޯސްޓްގާޑާ ހަވާލާދީ އެ ނޫހުގައި ބުނެފައިވަނީ، ހަނެޑާ ބޭސްގައި އޮތް އެ އިދާރާގެ ބޯޓެއްގައި ޖަޕާން އެއާލައިންސްގެ ބޯޓު ޖެހިފައިވާ ކަމަށާއި އެ ހާދިސާ ހިނގީ ޖަޕާން އެއާލައިންސްގެ ބޯޓު ރަންވޭއަށް ޖެއްސުމަށްފަހު ކަމަށެވެ.
ކޯސްޓްގާޑު ބޯޓުގައި ފަސް މީހުން ތިބި ކަމަށާއި އޭގެ ތެރެއިން އެކަކު ސަލާމަތްވެފައިވާ ކަމަށްވެސް ޖަޕާން ކޯސްޓްގާޑުން ބުނެ އެވެ. އަނެއް ހަތަރު މީހުންގެ ހަބަރެއް އަދި ނުވެ އެވެ.


ގުޅުންހުރި
އިންޑިއާގައި 7 މަހުގެ ތުއްތު ކުއްޖަކު ރޭޕްކުރި މީހަކު ދަންޖައްސައި މަރަން
މި އަހަރުގެ ރޯދަ މަހު ސައުދީން 102 ގައުމަކަށް 700 ޓަނުގެ
އުފާ ފާޅުކުރުމުގެ ތެރެއިން ޖެހި ބަޑިއަކުން ދެ އަހަރުގެ ކުއްޖަކު މަރުވެއްޖެ
އާ އަހަރު ޗުއްޓީގައި ލިބުނު 74،000 ޑޮލަރުގެ ފައިދާ ދިނީ ސްޓާފުންނަށް!
އިޒްރޭލަށް 7.4 ބިލިއަން ޑޮލަރުގެ ބޮމާއި މިސައިލް ވިއްކަން އެމެރިކާ އިން
އިންޑިއާގައި އަންހެނަކު ރޭޕްކޮށް އަންދާލައިފި، ކުށް ކުރުމުގައި އިސްކޮށް ހުރީ ޅިޔަނު!