ވެރިކަން ކުރާ މައި ޕާޓީ، ޕީއެންސީއަށް ސޮއިކުރަން ނިންމި ނިންމުން ނިންމަން އެންމެ ލޯ ލާރިއެއްގައިވެސް ނުޖެހޭ ކަމަށް ފޭދޫ ދާއިރާގެ މަޖިލިސް މެމްބަރު މުހައްމަދު ނިހާދު ވިދާޅުވެއްޖެ އެވެ.
ރައްޔިތުންގެ މަޖިލީހުގައި އެމްޑީޕީ ތަމްސީލު ކުރައްވާ 13 މެންބަރަކު ޕީއެންސީއަށް ސޮއިކުރެއްވީ ހުސްވި ޑިސެމްބަރު މަހުގެ 28 ވަނަ ދުވަހު ދަރުބާރުގޭގައި ބޭއްވި ބޮޑު ޖަލްސާއެއްގަ އެވެ. އެ ބޭފުޅުންގެ ފޯމާ ހަވާލުވެވަޑައިގަތީ ޕީއެންސީގެ ރައީސް، ރައީސް ޑރ. މުހައްމަދު މުއިއްޒެވެ.
އެ ބޭފުޅުން ޕީއެންސީއަށް ސޮއިކުރެއްވީ ފައިސާއަށް ކަމަށް ބައެއް މީހުން ތުހުމަތު ކުރި އިރު، ސަންގު ޓީވީން ގެނެސްދިން ޕްރޮގްރާމެއްގައި އެމްޑީޕީގެ ޗެއާޕާސަން ފައްޔާޒު އިސްމާއިލް ވެސް ވަނީ އެ 13 މެންބަރުން ޕީއެންސީއަށް ސޮއިކުރެއްވީ 60 މިލިއަން ރުފިޔާ ހުށަހަޅުއްވައިގެން ކަން އަޑު އިވިފައިވާ ކަމަށް ވިދާޅުވެފަ އެވެ.
ފައްޔާޒުގެ އެ ވާހަކައަށް ރައްދުދެއްވައި ނިހާދު މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ، ފައްޔާޒުގެ އެ ވާހަކަތައް “ކަޑަ‘ ކަމަށެވެ. އަދި އަގު ވައްޓާލަން މަސައްކަތް ނުކުރުމަށް އިލްތިމާސް ކުރެއްވި އެވެ.
”ރުހުން ދިނުން ޕްލަސް އަޒުލު ކުރަން ރޭވީ ކޮން މަގުސަދެއްގައިކަން ދަނީ ސާފު ވަމުން،“ ނިހާދުގެ ޕޯސްޓުގައި ވިދާޅުވެފައިވެ އެވެ.
ޕީއެންސީއަށް ސޮއިކުރެއްވި 13 މަޖިލިސް މެންބަރުންނާ އެކު މަޖިލީހުގައި ތިއްބެވި ސަރުކާރު މެންބަރުންގެ ޖުމްލަ ވަނީ 17 އަށް އަރައިފަ އެވެ. މީގެ އިތުރުން، މަޖިލީހުގެ އެމްޑީޕީ މެންބަރުންގެ އަދަދު 55 އިން 43 އަށް ވެއްޓި، ސުޕަ މެޖޯރިޓީ ވަނީ ގެއްލިފަ އެވެ.
![](https://haftha.mv/wp-content/uploads/2024/04/Scam-call-ad-MMA.jpg)
![](https://haftha.mv/wp-content/uploads/2024/04/Scam-call-ad-MMA.jpg)
ގުޅުންހުރި
ކައުންސިލްތަކުގެ ހަރަދު ކުޑަކުރަން ދަތުރުތަކާއި ހަފުލާތަކާއި މުބާރާތްތައް ނުބާއްވަން އަންގައިފި
ޒިނޭކުރި ދެ މީހެއްގެ ގައިގައި 100 އެތިފަހަރުން ހައްދު ޖަހަން ހުކުމްކޮށްފި
މި ވަގުތަކީ ވެރިކަމަށް އަންނަންވީ ވައުދާ މެދު ވިސްނަންވީ ވަގުތެއް ނޫން:
ރައީސްގެ ނަސޭހަތެއް: ކާމިޔާބު ހޯދަން، ނަފުސަށް އިތުބާރުކޮށް މަންޒިލަށް ދެވެންދެން މަސައްކަތްކުރޭ
ސިޔާސީ މަގާމުތަކުގެ އަދަދާއި ކުރާހޭދަ ހާމަކުރަން ސަރުކާރު މެންބަރުން ބޭނުމެއް ނުވި
ފޭކް ސްލިޕް ފޮނުވައިގެން 172،000ރ. ގެ މުދާ ހޯދި މީހަކު ޖަލަށް