ރާއްޖޭގެ ފަތުވާ މަޖިލިސް ތަރައްގީ ކުރުމުގެ މަސައްކަތްތަކެއް ހިންގުމަށް ޓަކައި، އޮގަނައިޒޭޝަން އޮފް އިސްލާމިކް ކޯޕަރޭޝަން (އޯއައިސީ) ގެ އިންޓަނޭޝަނަލް އިސްލާމިކް ފިގުހު އެކަޑަމީއާއެކު އިސްލާމިކް މިނިސްޓްރީން އެއްބަސްވުމެއްގައި ސޮއިކޮށްފި އެވެ.
އިސްލާމިކް މިނިސްޓްރީން ބުނީ އެ އެއްބަސްވުމުގެ މަގުސަދަކީ ފަތުވާ ދިނުމުގެ ނިޒާމު ހަރުދަނާކޮށް، ރާއްޖޭގެ އިސްލާމީ ފަތުވާދޭ މަޖިލިސް ތަރައްގީ ކުރުމުގެ އިތުރަށް ފިގުހީ މައްސަލަތަކަށް އިލްމީ ހައްލު ހޯދުމުގައި، އިސްލާމިކް މިނިސްޓްރީއާއި އެ އެކަޑަމީ ގުޅިގެން މަސައްކަތްތަކެއް ކުރުން ކަމަށެވެ.
އެ އެއްބަސްވުމުގައި އިސްލާމިކް މިނިސްޓްރީގެ ފަރާތުން ސޮއިކުރެއްވީ މިނިސްޓަރު ޑރ. މުހައްމަދު ޝަހީމް އަލީ ސައީދެވެ. އޯއައިސީގެ އިންޓަނޭޝަނަލް އިސްލާމިކް ފިގުހު އެކަޑަމީގެ ފަރާތުން ސޮއިކުރެއްވީ އެ އެކަޑަމީގެ ސެކްރެޓަރީ ޖެނެރަލް، ޕްރޮފެސަ ޑރ. ގުތުބާ މުސްތަފާ ސާނޫ އެވެ.
އެ އެކަޑަމީއަކީ، އިސްލާމީ ދުނިޔޭގައި އޮންނަ އިސްލާމީ އިލްމީ އެންމެ މަތީ މަޖިލީހެވެ. އެ މަޖިލީހުގެ މައި އިދާރާ ހުންނަނީ ސައުދީ އަރަބިއްޔާގެ ޖިއްދާގަ އެވެ.


ގުޅުންހުރި
ރައީސްގެ ނިންމެވުމެއް: ގައުމީ ގުރުއާން މުބާރާތަށް ހަރަދުކުރާނީ ސީދާ ދައުލަތުގެ ބަޖެޓުން!
އުމްރާ މީހުން ގެންދިޔުމުގެ އުސޫލާ ހިލާފުވި 19 ކުންފުންޏެއް 5،000 ރުފިޔާއިން
ބަރުބަރީ މިސްކިތް ތަޅާލައި އެ ބިމުގައި ތިން ބުރީގެ އާ މިސްކިތެއް
100 މިލިއަން ރުފިޔާއާ ގާތްކުރާ އަދަދަކަށް މިހާރު ޒަކާތު ފައިސާ ލިބޭ:
ޒަކާތު ފަންޑުން ގާޒާއަށް އެއް ލައްކަ ޑޮލަރުގެ އެހީ ދެނީ!
ސްޓެލްކޯގެ ފުރިހަމަ މަސައްކަތެއް؛ އިސްލާމީ މަރުކަޒުގެ މަސްފެންގަނޑު މަރާމާތުކޮށް ރީތިކޮށްލައިފި