ކުރީގެ ރައީސް އިބްރާހީމް މުހައްމަދު ސޯލިހުގެ ސަރުކާރުން ދޫކުރި ފްލެޓްތައް ހުއްޓުވާފައިވާތީ އެކަމާ ދެކޮޅަށް އެންޓި ކޮރަޕްޝަން ކޮމިޝަން (އޭސީސީ)އަށް އެއްވެ ކުރި މުޒާހަރާ ފުލުހުން ނުކުމެ ހުއްޓުވައިފިއެވެ.
ގެދޮރުވެރިޔާ ސްކީމްގެ ދަށުން ކުރީ ސަރުކާރުން ފްލެޓް ދޫކުރުމުގައި ކޮރަޕްޝަން އެކުލެވޭ ކަމަށް ތުހުމަތުކޮށް އޭސީސީން ވަނީ ފްލެޓް ދޫކުރުން ހުއްޓުވައިފައެވެ.
ފްލެޓް ދޫކުރުން ހުއްޓުވާފައި އޮންނަތާ އެތައް މަހެއް ވެފައިވާއިރު، ފްލެޓްގެ މައްސަލަ ބަލައި ނިމޭނެ ދުވަހެއް ވެސް އެ ކޮމިޝަނުން އަންގާފައެއް ނުވެއެވެ.
މިއަދު ހެނދުނު އޭސީސީއަށް ގޮސް ފްލެޓް ލިބުނު މީހުން ޑިމާންޑްކުރީ މައްސަލަ ބަލައި ނިމޭނެ ތާރީޚެއް ދިނުމަށެވެ. ނަމަވެސް އެ މީހުންގެ ސުވާލުތަކަށް ޖަވާބެއް ނުލިބުނު ކަމަށް އެ މީހުން ބުންޏެވެ.
މުޒާހަރާއަށް އޭސީސީއަށް ދިޔަ މީހުންގެ ތެރޭގައި ގިނައީ އަންހެނުންނެވެ.
ހައުސިން މިނިސްޓަރު އަހްމަދު ހައިދަރު ވިދާޅުވެފައި ވަނީ ފްލެޓްތައް ދޫކުރާނީ އޭސީސީން މައްސަލަ ބަލައި ވަކިގޮތެއް އެންގުމުން ކަމަށެވެ.
ގުޅުންހުރި
ރާއްޖެ ކާބޯތަކެއްޗާއި ތެލާއި ގޭހަކަށް ނުޖެހޭނެ: ސައީދު
ސްކޭމް މައްސަލައެއްގައި ހިރިލަންދޫ އަންހެނަކު ހޯދަނީ
ރޯދަމަހުގެ ފުރަތަމަ ހަފުތާގައި ފިތުރު ޒަކާތުގެ ގޮތުގައި 1.4 މިލިއަން ރުފިޔާ
ބަހްރެއިންގައި ހުންނަ އެމެރިކާ ވައިގެ މަރުކަޒަށް ވަރުގަދަ ހަމަލާތަކެއް ދީފި
ސައުދީގައި ހުންނަ އެމެރިކާ އެމްބަސީއަށް ދެ ޑްރޯން ހަމަލާ ދީފި
ހެކި ނެތް ކަމަށްބުނެ، ނަދީމްގެ މައްޗަށް ދައުވާނުކުރުމަށް ނިންމައިފި