އަހަރުގެ ފުރަތަމަ ދެ ހަފުތާ ތެރޭގައި ދައުލަތުން ދަތުރުފަތުރަށް ހަތް މިލިއަން ރުފިޔާ ހަރަދުކޮށްފައިވާ ކަމަށް ފިނޭންސް މިނިސްޓްރީގެ ތަފާސް ހިސާބުތަކުން އެނގިއްޖެ އެވެ.
ސަރުކާރަށް ލިބޭ އާމްދަނީ އާއި ބަޖެޓުން ހަރަދު ކުރަމުންދާ ގޮތް އަންގައިދޭ ރިޕޯޓުގައިވާ ގޮތުން މި މަހުގެ ފުރަތަމަ ދެ ހަފުތާގެ ތެރޭގައި ދަތުރުފަތުރަށް ހަރަދުކޮށްފައިވާ ހަތް މިލިއަން ރުފިޔާއަކީ މިދިޔަ އަހަރުގެ އެ މުއްދަތުގައި ދަތުރުފަތުރަށް ހަރަދުކުރި މިންވަރަށްވުރެ ފަސް ގުނަ އިތުރު އަދަދެކެވެ.
މިދިޔަ އަހަރުގެ ފުރަތަމަ ދެ ހަފުތާގެ ތެރޭގައި ދައުލަތުން ދަތުރުފަތުރަށް ހަރަދުކޮށްފައިވަނީ 1.4 މިލިއަން ރުފިޔާ އެވެ.
މި އަހަރުގެ ފުރަތަމަ ދެ ހަފުތާގެ ތެރޭގައި ދައުލަތުން ދަތުރުފަތުރަށް ހަތް މިލިއަން ހަރަދުކުރި އިރު، ރައީސް ޑރ. މުހައްމަދު މުއިއްޒާއި ނައިބް ރައީސް ހުސެއިން މުހައްމަދު ލަތީފު ވަނީ ރަސްމީ ދަތުރުފުޅުތަކެއް ކުރައްވައިފަ އެވެ.
މި އަހަރަށް ލަފާކޮށް ފާސްކޮށްފައިވާ ބަޖެޓުގައި ދައުލަތުގެ ދަތުރުފަތުރަށް 228.3 މިލިއަން ރުފިޔާ ޖަހާފައިވެ އެވެ.
ގުޅުންހުރި
ސަރުކާރުގެ ބޯހިޔާވަހިކަމުގެ ސިޔާސަތު: މުއްސަނދި މީހާއަށް ވެސް ފްލެޓާއި ގޯތި ގަންނަން
ސަރުކާރުގެ ބޯހިޔާވަހިކަމުގެ ސިޔާސަތު އިފުތިތާހުކޮށްފި، މާލޭ މީހުންނަށް ގޯއްޗާއި ފްލެޓް ދޭން
ސާޖިދާއަށް އެމްޑީޕީ އާއި ފައްޔާޒްގެ ކިބައިން ބަދަލު ހޯދޭނެ: ފެމިލީ ކޯޓު
ކައުންސިލްތަކުގެ ސައިޒް ކުޑަކުރުމަށް އިސްލާހު ހުށަހަޅައިފި
ހިޔާ އާއި ވިނަރެސްއަށް ދޫކުރި ލޯނުތަކުގެ އިންޓަރެސް ރޭޓު ކުޑަކޮށްދިނުމަށް ރައީސް
ޖަލު ހެދުމުގައި ޝަރީއަތަށް ހާޒިރުވާން ބައްސާމް ބޭނުމެއް ނުވި