މިދިޔަ އަހަރު ދަރަންޏަށް 15.7 ބިލިއަން ރުފިޔާ އިތުރުވެ، ދައުލަތުގެ ޖުމުލަ ދަރަނި 124 ބިލިއަން ރުފިޔާއަށް އިތުރުވެފައިވާ ކަމަށް ފިނޭންސް މިނިސްޓްރީގެ ތަފާސް ހިސާބުތަކުން ދައްކައިފި އެވެ.
ފިނޭންސް މިނިސްޓްރީން އިއްޔެ އާންމު ކޮށްފައިވާ މިދިޔަ އަހަރު ނިމުނު އިރު އެތެރޭގެ ދަރަނީގެ ގޮތުގައި ނެގި ވަރު 73 ބިލިއަނަށް އެރި އިރު، ބޭރުގެ ދަރަނީގެ ގޮތުގައި އެރި ވަރު 51 ބިލިއަން ރުފިޔާއަށް ވަނީ އަރައިފަ އެވެ.
މިދިޔަ އަހަރު ނިމުނުއިރު ދައުލަތުގެ ދަރަނި 124 ބިލިއަން ރުފިޔާގައި ހުރި އިރު، މިއީ މިދިޔަ އަހަރު ފެށުނުއިރު ހުރި އަދަދަށްވުރެ 10.5 ބިލިއަން ރުފިޔާގެ އިތުރުވުމެކެވެ.
އެގޮތުން މިދިޔަ އަހަރު ފެށި އިރު ދައުލަތުގެ ދަރަނި ހުރީ 114 ބިލިއަން ރުފިޔާގައެވެ. އޭރު އެތެރޭގެ ދަރަނި ހުރީ 65 ބިލިއަން ރުފިޔާގަ އެވެ. އަދި ބޭރުން ނެގި ލޯނުތަކުގެ އަދަދު ހުރީ 49 ބިލިއަން ރުފިޔާގަ އެވެ.
އެއް އަހަރުން އަނެއް އަހަރަށް ދައުލަތުގެ ދަރަނި އިތުރުވަމުން އަންނަ އިރު 2026 ވަނަ އަހަރު އެއް ބިލިއަން ޑޮލަރު (15.4 ބިލިއަން ރުފިޔާ) ދައްކަން ޖެހޭނެ އެވެ. އެއީ ދައުލަތުން އެންމެ ބޮޑު ދަރަންޏެއް އެއް ފަހަރާ ދައްކަން ޖެހޭނެ އަހަރެވެ.
ގުޅުންހުރި
ދަރިފުޅަށް އަހަރެއް ވަންދެން އަނިޔާދީ މަރާލުމަށްފަހު ހަށިގަނޑު އަންދާލި މަންމަ ޖަލަށް
އިލްމު އުނގެނޭށެވެ. އެހެނީ މަރުވުމަށްފަހުވެސް އުނގެނި، އަނެކާއަށް ފޯރުކޮށްދިން އިލްމުގެ ފައިދާ
”ބައްޕާއޭ، ދޮންބެގެ އަތުން ދޫވީއޭ، ސަލާމަތްކުރަން ވަރަށް މަސައްކަތް ކުރީމޭ“
ތިލަމާލެ ބްރިޖްގައި ދުނިޔޭގެ އެންމެ އުސް ޕްރީކާސްޓް ސެގްމަންޓް ބަހައްޓައިފި
ލިވަޕޫލްއާ ގުޅިގެން ރާއްޖޭގެ ޓޫރިޒަމް ޕްރޮމޯޓް ކުރުމުގެ ކެމްޕެއިން ލޯންޗުކޮށްފި
މުޝްފިގު ހޯދުމުގެ މަސައްކަތް ކަނޑުމަތިންނާއި ޑައިވް ކޮށްގެން ފަށައިފި، ޑްރޯން ވެސް