ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރު އަބްދުﷲ ޖާބިރުގެ ޓިކެޓް އަތުލައި އޭނާ ޕާޓީން ވަކިކޮށްފިއެވެ.
އެމްޑީޕީގެ ފިޔަވަޅު އަޅާ ކޮމިޓީން މިިގޮތަށް ނިންމީ އެ ކޮމިޓީއަށް ހުށަހަޅާފައިވާ މައްސަލައެއް ބެލުމަށް ފަހުއެވެ.
އެމްޑީޕީގެ މެމްބަރެއްގެ ގޮތުގައި ހުރެ އާންމު އިޖުތިމާއީ މިންގަނޑާ ހިލާފަށް ރައްޔިތުންނާ ބޭއަދަބީ ބަހުރުވައިން މުއާމަލާތްކޮށް މަސަލަހަތު ގެއްލޭ ގޮތަށް ޖާބިރު ތަކުރާރުކޮށް އަމަލުކުރަމުން ގެންދާކަން ސާބިތުވެފައިވާ ކަމަށް އެމްޑީޕީން ބުންޏެވެ.
ޖާބިރު ބައެއް ރަށްތަކަށް ވަޑައިގެން އެކި މީހުންނާ ދިމާލަށް އަވަގުރާނަ ގޮވާ ވީޑިއޯތަކެއް ސޯޝަލް މީޑިއާގައި އަންނަނީ ދައުރުވަމުންނެވެ.
”މި ކަމަކީ މި ޕާޓީ އާއި ޕާޓީގެ އާންމު މެމްބަރުންގެ މަސްލަހަތަށް އުނިކަން ލިބޭ ފަދަ އަމަލެއް ކަމުގައި ވާތީ މި ޕާޓީގެ ފިޔަވަޅުއަޅާ ކޮމިޓީއަށް ހުށައެޅިފައިވާ މައްސަލަ ބެލުމަށް ފަހު އަބްދުﷲ ޖާބިރު 20 ވަަނަ ރައްޔިތުންގެ މަޖިލިސްގެ އިންތިހާބުގައި މި ޕާޓީގެ ފަރާތުން ވާދަކުރުމުގެ ފުރުސަތު ނުދިނުމަށާއި، އަދި މިއަދުން ފެށިގެން ޕާޓީގެ މެންބަރުކަމުން ވަކިކުރުމަށް މި ޕާޓީގެ ފިޔަވަޅު އަޅާ ކޮމެޓީން ވަނީ ނިންމައިފަ އެވެ،“ އެމްޑީޕީގެ ފިޔަވަޅުއަޅާ ކޮމިޓީގެ ނިންމުމުގައިވެއެވެ.
ފިޔަވަޅު އަޅާ ކޮމިޓީން ނިންމީ ޖާބިރަށް ދެން އެމްޑީޕީގެ މެމްބަރަކަށް ވެވޭނީ އެ ޕާޓީގެ ގައުމީ މަޖިލީހުން ފާސްކުރުމުން ކަމަށެވެ. ޖާބިރުގެ ދަރިކަލުން އަހްމަދު މުއާޒް އަބްދުﷲ ޖާބިރަށް ވެސް ވަނީ މަހިބަދޫ ދާއިރާގެ އެމްޑީޕީ ޓިކެޓް ލިބިފައެވެ.
ގުޅުންހުރި
ކުރިމަގުގެ ޖީލު އެދެނީ ގާޒާގައި ހިންގަމުންދާ ގަތުލުއާންމު ހުއްޓުވާނެ ހިތްވަރެއް: ރައީސް
ޮލަންކާގެ އިންތިހާބީ ރައީސް ޑިސަނަޔަކަށް ރައީސް މުއިއްޒު ތަހުނިޔާ ވިދާޅުވެއްޖެ
ބީއެމްއެލްއަށް ސީއީއޯއަކު ހޯދަން އިއުލާންކޮށްފި
2 ކިލޯގެ ޑުރަގް އެތެރެކުރުން: ޕާކިސްތާން މީހަކަށާއި 2 ދިވެހިންނަށް ދައުވާ
ފަޒީސް ހިޖާމާ ބަންދު ކޮށްދޭން ހެލްތް މިނިސްޓްރީން ޕޮލިހުގައި އެދިއްޖެ
ހޯރަފުށީގައި ފުޅާ ދާއިރާއެއްގައި ޑުރަގުގެ ވިޔަފާރިކުރާ ކަމަށް ތުހުމަތުވާ މީހަކު ހައްޔަރަށް