ކުރީގެ ރައީސް އިބްރާހިމް މުހައްމަދު ސޯލިހްގެ ސަރުކާރުން ތައާރަފްކުރި ގެދޮރުވެރިޔާ ސްކީމުގެ ދަށުން ދޫކުރި ފްލެޓްތަކުގެ ތެރެއިން ޝަރުތު ހަމަވާ މީހުންގެ ފްލެޓްތައް ވީއެންމެ އަވަހަކަށް ހަވާލުކުރުމަށް މަސައްކަތް ކުރައްވާނެ ކަމަށް ހައުސިން މިނިސްޓަރު ޑރ. އަލީ ހައިދަރު ވިދާޅުވެއްޖެ އެވެ
ހައުސިން މިނިސްޓްރީގެ އެކްސް އެކައުންޓުގައި މިއަދު އާންމު ކުރެއްވި ވީޑިއޯ މެސެޖެއްގައި ވިދާޅުވީ ފްލެޓްތަކާ ގުޅޭ ގޮތުން އޭސީސީ މީގެ ދެ ދުވަސް ކުރިން ބައްދަލުކުރެއްވި ކަމަށާއި އެ ބައްދަލުވުމުގައި އެ ކޮމިޝަނުން ހިންގި ތަހުގީގުގެ ތަފުސީލުތައް ހޯދަން އެދިފައިވާނެ ކަމަށެވެ.
ނަމަވެސް މިހާތަނަށް އެއްވެސް ތަފުސީލީ ރިޕޯޓެއް ލިބިފައިނުވާ ކަމަށް ވިދާޅުވި އެވެ.
”އަޅުގަނޑުމެން މި މަސައްކަތް ކުރާނީ ވީހާވެސް އަވަހަކަށް ޝަރުތު ހަމަވާ އެންމެންނަށް ފްލެޓްތައް ހަވާލުކުރުމުގެ މަސައްކަތް ކުރިއަށް ގެންދެވޭތޯ. އެހެން ނަމަވެސް އެކަން ކުރެވޭނީ އެ ތަފްސީލްތައް އަޅުގަނޑުމެންނަށް ލިބުމުން،“ ހައިދަރު ވިދާޅުވި އެވެ.
އޭސީސީން އިއްޔެ ބޭއްވި ނޫސް ކޮންފަރެންސެއްގައި ހާމަކުރި ގޮތުން، ގެދޮރުވެރިޔާ ސްކީމުގެ ދަށުން ދޫކުރާ ފުރަތަމަ 4،000 ފްލެޓް ލިބުނު މީހުންގެ ތެރެއިން 60 ޕަސެންޓް މީހުން ޝަރުތު ހަމައެއް ނުވެ އެވެ. ޝަރުތު ހަމަވެ، އެއްވެސް މައްސަލައެއް ނޫޅެނީ 20.7 ޕަސެންޓް ފޯމުގައި ކަމަށްވެސް ބުންޏެވެ.

ގުޅުންހުރި
މިއަދަކީ އެކްސްޕޯ 2025 ގެ ފަހު ދުވަސް، 40 އެގްޒިބިޓަރުން ބައިވެރިވި!
ކޮރަޕްޝަންގެ މައްސަލައެއް ބަލަން އޭސީސީ އާއި ފުލުހުން، އެގްރިކަލްޗާ މިނިސްޓްރީއަށް ވަދެއްޖެ
މާންދީއާއި މާޒް ސަލީމް ބަރަހަނާކޮށް ފޮޓޯ ނަގަން އަމުރުކޮށްފި
ޖާހްގެ ބޭންކު އެކައުންޓްތަކުގައި ފައިސާ ފައިސާ ހުރި ނަމަ ހިފަހައްޓަން އަމުރުކޮށްފި
ސީއެސްސީއަށް މުޖުތާޒް އައްޔަންކުރައްވައިފި
ވަގަށް އެތެރެކުރަން އުޅުނު އެއް ލައްކައަށްވުރެ ގިނަ ސިނގިރޭޓު އަތުލައިގެންފި