ގަވާއިދާ ހިލާފަށް ރާއްޖޭގައި އުޅެމުންދިޔަ 1،800 ބިދޭސީން، އަނބުރާ ފޮނުވާލާފައިވާ ކަމަށް ހޯމް މިނިސްޓަރު އަލީ އިހުސާން ވިދާޅުވެއްޖެ އެވެ.
ދެކުނުގެ ހަތަރު އަތޮޅަށް ރައީސް މިއަދު ފެއްޓެވި ދަތުރުފުޅުގައި މިރޭ ފޭދޫގައި ބޭއްވި ޖަލްސާގައި ވާހަކަ ދައްކަވަމުން އިހުސާން ވިދާޅުވީ ގަވާއިދާ ހިލާފަށް އުޅެމުންދާ ބިދޭސީންގެ މައްސަަލަ ހައްލުކުރުމަކީ ރައީސް ޑރ. މުހައްމަދު މުއިއްޒު ހާއްސަ އިސްކަމެއް ދެއްވާ ކަމެއް ކަމަށެވެ.
އެގޮތުން އެ މައްސަލަ ހައްލުކުރަން އެ މަނިކުފާނުގެ އިސްނެންގެވުމުގެ މަތިން ޓާސްކް ފޯސެއް އެކުލަވާލައިގެން މަސައްކަތް ކުރަމުން އަންނަ ކަމަށް ވިދާޅުވި އެވެ.
”ސީދާ ރައީސްގެ ބެއްލެއްވުމުގެ ދަށުން އަޅުގަނޑުމެން ޓާސްކް ފޯހެއް ނަގައި މަސައްކަތުގެ އަލީގައި މިހާރު ވާނީ ރާއްޖޭގައި ގަވާއިދާ ހިލާފަށް އުޅެމުންދިޔަ 1،800 އަށްވުރެ ގިނަ މީހުން، އޭގެ ތެރޭގައި އަމިއްލައަށް ދިޔަ މީހުންނާއި އަޅުގަނޑުމެން ފޯސްފުލީ ރާއްޖެއިން ޑިޕޯޓްކޮށްލި މީހުން ހިމެނޭހެން ރާއްޖެއިން ބޭރުކުރެވިފަ. މިއީ އަޅުގަނޑުމެން ދާން ބޭނުންވާ ސްޕީޑަކީ،“ އިހުސާން ވިދާޅުވި އެވެ.
އޭނާ އިތުރަށް ވިދާޅުވީ، ރައީސް މުއިއްޒުގެ އަމާޒަކީ މަސްތުވާތަކެތީގެ މައްސަލަ އެއްކޮށް ހައްލުކުރުން ކަމަށެވެ. އެކަމުގައި ކުރެވޭ މަސައްކަތުގެ ދަށުން މިދިޔަ ތިން މަސް ތެރޭ 47.5 މިލިއަނަށްވުރެ ގިނަ ރުފިޔާގެ މަސްތުވާތަކެތި، މަގުމައްޗަށް ދިއުމުގެ ކުރިން އަތުލައިގަނެފައިވާ ކަމަށް ވިދާޅުވި އެވެ.

ގުޅުންހުރި
ރައީސް އޮފީހުގެ އަންޑާ ސެކްރެޓަރީގެ މަގާމުން ދާއޫދު ވަކިކޮށްފި
ބްރޯޑްކޮމް އަށް ޒަމްއަތު އައްޔަންކޮށްފި
ޝަރީއަތް ނިމެންދެން ޝަމްއާން ބަންދުކުރީ ރަނގަޅަށް: ސުޕްރީމް ކޯޓު
މި އަހަރު ރާއްޖެ އިން ހައްޖަށް ދިޔަ ހުރިހާ ހައްޖުވެރިން ރާއްޖެ
އެމްޑީޕީއަށް 5 ފަނި ވާނީ ފޮނުވާފައި، ލޯކަލް އިންތިހާބު އެމްޑީޕީއަށް ގެއްލުވާލާނަން:
ދާއޫދު ތަހުގީގަށް ދިނީ ދޮގު ބަޔާނެއް، އިހުސާނަށް ވެސް ގުޅި: ރިޔާސީ