އެސްޓީއޯއަށް އިންޑިއާ އިން ފިޔާ ލިބުމުގައި އެއްވެސް ދައްޗެއް ނެތް ކަމަށް އެ ކުންފުނިން ބުނެފި އެވެ.
އިންޑިއާ އިން ފިޔާ އެކްސްޕޯޓް ކުރަން ހުއްދަ ދޭން އެންމެ ފަހުން ނިންމި ގައުމުތަކުގެ ލިސްޓުގައި ރާއްޖެ ނުހިމެނޭ ކަމަށް އެ ގައުމުގެ ނޫސްތަކުން ރިޕޯޓް ކުރުމުން އެކަމާ ގުޅޭ ގޮތުން ނޫސްވެރިން ސުވާލު ކުރުމުން އެސްޓީއޯ އިން ބުނީ، ކުރިއެކޭވެސް އެއްގޮތަށް އެސްޓީއޯ އިން އެކަށީގެންވާ މިންވަރެއްގައި ފިޔާ ފޯރުކޮށްދެމުންދާނެ ކަމަށެވެ.
”ފާއިތުވި ދެ މަހުގެ މާކެޓް ޓްރެންޑަށް ބަލާކަމުގައިވާ ނަމަ، ރާއްޖޭގެ މާކެޓުގައި ފިޔާގެ އަގު އަންނަނީ ތިރިވަމުން. ކުރިއަށް އޮތް ރަމަޟާންމަހު އަސާސީ ކާބޯތަކެތި ލިބުމުގައި ދަތިކަމެއް ކުރިމަތިވިޔަ ނުދިނުމަށް އެސްޓީއޯ އިން ވަނީ ފުރިހަމައަށް ތައްޔާރުވެފައި،“ އެސްޓީއޯ އިން ބުންޏެވެ.
ދުނިޔެ އިން ދެވަނައަށް އެންމެ ގިނައިން ފިޔާ އެކްސްޕޯޓް ކުރާ އިންޑިއާގެ ސަރުކާރުގެ އޮފިޝަލުންނާ ހަވާލާދީ އެ ގައުމުގެ ނޫސްތަކުން ރިޕޯޓުކޮށްފައިވާ ގޮތުގައި އެ ގައުމުން ފިޔާ އެކްސްޕޯޓު ކުރުމުގެ ހާއްސަ ކޯޓާއެއް މިފަހަރު ކަނޑައަޅާފައި ވަނީ ބަންގްލަދޭޝް، ސްރީ ލަންކާ، މޮރިޝަސް، ބަހްރެއިން، ބޫޓާން އަދި ނޭޕާލަށެވެ.


ގުޅުންހުރި
ޕީސީބީގެ ރައީސް ކުއްލި ގޮތަކަށް މަގާމުން ވަކިކޮށްފި
މެޒޯ މުހައްމަދުގެ ކަށުނަމާދު މާދަމާގެ އަސްރު ނަމާދަށްފަހު އިސްލާމީ މަރުކަޒުގައި
މުލަކު މަގު ހެދުމުގެ މަޝްރޫއު ކުރިއަށް، ދެ މަގެއްގައި ދަނީ ބައްތި
މާފުށީ ޖަލުގައި ބަންދުކޮށްފައި ހުރި ބިދޭސީއަކު ކުޅެން ހުއްޓައި މަރުވެއްޖެ
މެޒޯ މުހައްމަދު މަރުވެއްޖެ
އެސްއޯއީތަކުގެ މުވައްޒަފުންނަށް ރޯދަ އިނާޔަތް ފިޔަވައި އިތުރު ހަދިޔާތައް ނުދޭން އަންގައިފި