ސްޓެލްކޯއިން ފެނުގެ ހިދުމަތް ދެމުން އަންނަ ރަށްތަކުން ނަގަމުން އަންނަ 30 ރުފިޔާގެ ޗާޖު އަންނަ މަހުން ފެށިގެން ނެގުން ހުއްޓާލައްވާނެ ކަމަށް އެ ކުންފުނީގެ މެނޭޖިން ޑިރެކްޓަރު ހުސެއިން ފަހުމީ މިއަދު ވިދާޅުވެއްޖެ އެވެ.
ސްޓެލްކޯ އިން ނުވަ ރަށަކަށް ފެނުގެ ހިދުމަތްދެ އެވެ. އެއީ އއ. އުކުޅަސް، އެ އަތޮޅު ތޮއްޑޫ، އދ. މަހިބަދޫ، ކ. ގުރައިދޫ، އއ. ރަސްދޫ، ކ. ގުޅި، އދ. ހަންޏާމީދޫ، އދ. މަންދޫ އަދި އއ. މަތިވެރި އެވެ. އެއިން ކޮންމެ ރަށެއްގެ ކޮންމެ ގޭބިސީއެއްގައި ބަހައްޓާފައި ހުންނަ ފެން މީޓަރުން ކޮންމެ މަހަކު 30 ރުފިޔާ ނަގައެވެ.
ފަހުމީ މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ، ރައީސް ޑރ. މުހައްމަދު މުއިއްޒަކީ ރައްޔިތުންގެ އަޑު އައްސަވައި ރައްޔިތުން ބޭނުންވާ ގޮތަށް ކަންކަން ފަހިކޮށްދެއްވުމަށް ގަދައަޅައި މަސައްކަތް ކުރައްވާ ހިދުމަތްތެރިއެއް ކަމަށެވެ.
”ރައީސްގެ އެ ހަރުދަނާ ވިސްނުންފުޅުތަކާއެކު ސްޓެލްކޯއިން ފެނުގެ ހިދުމަތް ދެމުން އަންނަ ރަށްތަކުން ނަގަމުން އަންނަ 30 ރުފިޔާގެ ޗާޖު އަންނަ މަހުން ފެށިގެން ނެގުން ހުއްޓާލެވޭނެ. ރައްޔިތުންގެ ލާބައަށް އެ މަނިކުފާނު މި ނިންމެވި ނިންމުން އަޅުގަނޑުމެން ތަންފީޒުކުރާނީ އުފަލާއި އިހުލާސްތެރިކަމާއެކު،“ ފަހުމީ ވިދާޅުވި އެވެ.


ގުޅުންހުރި
އެސްޓީއޯ އިން ވިއްކާ އަލް ނޫރު ހިކި ކިރު މީރުވެފައި، މާބޮޑަށްވެސް
ރޯދަ މަހު ތަކެތީގެ އަގުބޮޑުވިޔަ ނުދޭނަން، ގެނެވުނު ގޮތަކަށް ގެނެސް އަގުހެޔޮ
ސްޓެލްކޯގެ މުވައްޒަފުން ތަމްރީންކުރަން ސިފައިންގެ ވެލްފެއާ ކުންފުންޏާއެކު އެއްބަސްވުމަކަށް
ރޯދަ ހަދިޔާގެ ގޮތުގައި ސަރުކާރުން ދޭ މަސްދަޅު ކޭސް މާލޭގައި ބަހާނީ
ބާޒާރުގެ އަގުތައް ދަނީ މޮނީޓާކުރަމުން، ފުރަތަމަ ލުނބޯ ޝިޕްމަންޓް ގެނެސްފިން: ޝިމާދު
ރޯދަ މަހު ކެފޭ/ރެސްޓޯރަންޓުތައް ހުޅުވާފައި ބެހެއްޓޭނީ މެންދަމު 3 އަށް، ފިހާރަތައް