އަނަސްގެ މަރުގެ މައްސަލައިން ސަލާމަތްވި މީހަކު ޑުރަގުގެ ބޮޑު މައްސަލައެއްގައި ހައްޔަރަށް

އެ ރިޕޯޓު ލިބުމުން ގާނޫނީ މާހިރުން ލަފާ ހޯދުމަށްފަހު އެ މައްސަލަ އިސްތިއުނާފު ކުރަން ފަށާނެ ކަމަށްވެސް ވިދާޅުވި އެވެ.

”ރޭ އަޅުގަނޑުމެން ހިންގި އޮޕަރޭޝަނެއްގައި ލޯންޗެއް ބަލައި ފާސްކޮށް މަސްތުވާތަކެއްޗާއި ވަރަށް ގިނަ ބަނގުރަލާއެއްކޮށް ބަޔަކު ފުލުހުންގެ ބެލުމުގެ ދަށަށް ގެނެސްފައިވޭ. މި ބަނގުރަލާއި މަސްތުވާތަކެތި އުފުލި އުޅަނދު ހުއްޓުވައި ބެލިއިރު އަނަސްގެ މައްސަލައިގައި ދައުވާ އުފުލައި ކުށް ސާބިތުނުވުުމުގެ ސަބަބުން ދޫކޮށްލާފައިވާ ފަރާތެއްވޭ،“ ނަވީން ވިދާޅުވި އެވެ.

ނަމަވެސް އެއީ ކާކު ކަމެއް، އަދި އޭނާ އާ ބެހޭ އިތުރު މައުލޫމާތެއް ނަވީން ނުދެއްވަ އެވެ. ވިދާޅުވީ އެކަން ފާހަގަކުރެއްވީ އެ މައްސަލައިގެ ސީރިއަސްކަމުން ކަމަށެވެ.

އަނަސް މަރާލި މައްސަލައިގައި ނުވަ މީހެއްގެ މައްޗަށް ދައުވާކުރި އެވެ. އޭގެ ތެރެއިން ދެ މީހަކީ ކުޑަކުދިން ކަމަށްވުމުން ދައުލަތުން ވަނީ އެ ދެ ކުދިންގެ ވަނަވަރު ސިއްރުކޮށްފަ އެވެ.

އަނަސް މަރާލި މައްސަލައިގައި ތޫނު އެއްޗެއް ބޭނުންކޮށްގެން ގަސްދުގައި މީހަކު މެރުމުގައި ދައުވާ އުފުލާފައިވަނީ، މ. ލޮނުމިދިލިގެ/ އަފްރާހު އަބްދުއްރައްޒާގު، ޅ. ކުރެންދޫ/ އަސުރުމާގެ، އަހުމަދު ޒަޔާން އަދި މ. ދިމިޝްގު/ އުސްމާން ޝަރީފުގެ މައްޗަށެވެ.

ގަސްދުގައި މީހަކު މަރާލުމުގައި ބައިވެރިވުމުގެ ދައުވާ ކޮށްފައިވަނީ ލ. ގަން، ތުނޑީ/ ނަންނާރިގެ، ނައިހު އަބްދުﷲ އާއި ސ. ފޭދޫ/ ވެސްޓަންވިލާ، ހަސަން މަހްފޫޒު، ދަފްތަރު ނަމްބަރު 1746، ސިމާހު މޫސާ އަދި ތ. ކިނބިދޫ/ ގުލްފާމުގެ، މުހައްމަދު ޝާޒަށެވެ.