އިމާރާތްކުރުމުގެ ސާމާނާއި ފަރުނީޗަރު ވިއްކުމުގައި ރާއްޖޭގެ އެންމެ މަޝްހޫރު އެއް ކުންފުނި، މުނިހޯމް ކެއާ އިން ހުޅުމާލެ ދެވަނަ ފިޔަވަހީގައި އަޅައިދިން މިސްކިތް މިއަދު ހުޅުވައިފި އެވެ.
ނިރޮޅު މަގުގައި އަޅާފައިވާ އެ މިސްކިތަށް ދީފައިވާ ނަމަކީ ”މަސްޖިދުލް ހަސަން އާދަމް“ އެވެ. ހަސަން އާދަމަކީ މުނިހޯމް ކެއާގެ ދެ ބާނީން ކަމަށް މުހުތާރު ހަސަން އަދި ނިޒާރު ހަސަންގެ ބައްޕާފުޅެވެ.
ދެ ބުރިއަށް އިމާރާތް ކޮށްފައިވާ އެ މިސްކިތަކީ 1،500 މީހުންގެ ޖާގައިގެ މިސްކިތެކެވެ. މިއީ ހުޅުމާލެ ދެވަނަ ފިޔަވަހީގައި ހުޅުވި ދާއިމީ ފުރަތަމަ މިސްކިތެވެ.
އެ މިސްކިތް ހުޅުވައި ދެއްވީ މިއަދު ހުކުރު ނަމާދު ވަގުތަށް، އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދެވެ.
މިސްކިތް ހުޅުއްވައިދެއްވަމުން ޝަހީމް ވިދާޅުވީ މިއީ ހުޅުމާލޭ ދެވަނަ ފިޔަވަހީގައި މިހާތަނަށް ހެދި އެންމެ ބޮޑު އަދި އެންމެ ރީތި މިސްކިތް ކަމަށެވެ. އެކަމަށްޓަކައި މުނި ހޯމް ކުންފުންޏަށް ޝުކުރު އަދާކުރައްވާ ކަމަށާއި މިއީ ހިޔާ ފްލެޓް ސަރަހައްދުގައި ދިރިއުޅޭ މީހުންނަށް ލިބޭނެ ބޮޑު ލުޔެއް ކަމަށްވެސް ވިދާޅުވި އެވެ.
ގުޅުންހުރި
އޭސީސީ އާއި އީސީގެ ރައީސާއި ނައިބު ރައީސް އައްޔަންކުރުމުގެ ބާރު ރައީސަށް
އާބާދީގައި 10،000 ހަމަކުރީ އޮޅުވާލައިގެން ކަމަށްބުނެ ތިނަދޫގެ ސިޓީގެ ދަރަޖަ ބާތިލުކުރަން
ވޯލްޑް ލީޑިން ޑެސްޓިނޭޝަންގެ އެވޯޑް ޖެހިޖެހިގެން ފަސްވަނަ ފަހަރަށް ރާއްޖެއަން
އިޒްރޭލު ޕާސްޕޯޓު މަނާކުރަން ފަލަސްތީނުގެ ބަހެއް ހޯދަންޖެހޭ: ފަލާހު
ނަޝާތާއި ޒާހިރު އަދި އާސިފަށް އިންތިހާބަށް ނުފޫޒު ފޯރުވައި، ޑޭޓާބޭސް ވިއްކުމުގެ
އަލްހާންގެ ސްކީމުގައި ބައިވެރިވި މީހަކަށް 695،000 ރުފިޔާ ދޭން ހުކުމްކޮށްފި