ބާ ކައުންސިލްގެ ރައީސްގެ މަގާމަށް ސިރާޖު

ބާ ކައުންސިލްގެ ރައީސްގެ މަގާމަށް ހުސައިން ސިރާޖު އިންތިހާބު މިއަދު ކޮށްފިއެވެ.

ބާ ކައުންސިލްގެ ރައީސްގެ މަގާމަށް ދެ ބޭފުޅަކު ވަނީ ވާދަކުރައްވައިފައެވެ. އެއީ ސިރާޖުގެ އިތުރުން މުހައްމަދު ފައިސަލްއެވެ.

މިއަދު ބޭއްވި ބާ ކައުންސިލްގެ އިންތިހާބުގައި ސިރާޖަށް ލިބިވަޑައިގެންނެވީ 224 ވޯޓެވެ. ފައިސަލަށް ލިބިވަޑައިގެންނެވީ 172 ވޯޓެވެ.

ސިރާޖަކީ އެސް އެންޑް އޭ ލޯފަމުގައި ކޮންސަލްޓަންޓެއްގައި ގޮތުގައި މަސައްކަތް ކުރައްވާ ވަކީލެކެވެ. އަދި އޭނާއަކީ މޯލްޑިވްސް އިންޓަނޭޝަނަލް އާބިޓްރޭޝަން ސެންޓާގެ ވައިސް ޗެއާމަންއެވެ. މީގެ އިތުރުން ސިރާޖަކީ ޗާޓާޑް އިންސްޓިޓުއުޓް އޮފް އާބިޓްރޯގެ މެމްބަރެކެވެ.

ސިރާޖަކީ ކޮމާޝިއަލް ލޯ އަދި ކޯޕަރޭޓް ލޯގައި ފުންނާބު އިސްބޭފުޅެކެވެ. މަދަނީ ގިނަ މައްސަލަތަކެއްގައި ސިރާޖު ވަނީ ވަކާލާތު ކުރައްވައި ކާމިޔާބުކުރައްވާފައިއެވެ.

ބާ ކައުންސިލްގެ އިންތިހާބު ބާއްވާފައިމިވަނީ އެ މަގާމުގައި ހުންނެވި އިސްމާއީލް ވިޝާމް، މިދިޔަ ޖެނުއަރީ މަހުގެ 31 ވަނަ ދުވަހު އަވަހާރަވުމާ ގުޅިގެންނެވެ.