ކަނޑުމަގުން ރާއްޖެއަށް ވަގަށް އެތެރެކުރަން އުޅުނު އަށް މިލިއަނަށް ވުރެ ގިނަ ސިނގިރޭޓް މޯލްޑިވްސް ކަސްޓަމްސް އިން އަތުލައިގެންފި އެވެ.
އެ އިދާރާއިން އާންމުކުރި ޕޯސްޓެއްގައި ބުނީ އާއްމު މުދަލުގެ ގޮތުގައި މާލޭގެ ވިޔަފާރި ބަނދަރަށް މިދިޔަ އާދިއްތަ ދުވަހު ޑިކްލެއާ ކުރި ޝިޕްމަންޓެއް ފާސްކުރިއިރު ގިނަ އަދަދެއްގެ ސިނގިރޭޓު ފޮރުވާފައި ހުއްޓާ ފެނުނު ކަމަށެވެ.
އޭގެ ތެރެއިން ފެނުނު 8،527،489 ސިނގިރޭޓު ސްޓިކްސް ހޯދައި ކަސްޓަމްސްގެ ބެލުމުގެ ދަށަށް މިހާރު ވަނީ ގެނެސްފައިވާ ކަމަށްވެސް ބުންޏެވެ.
ކަސްޓަމްސް އިން މީގެ ކުރިން ވަނީ ވަގަށް އެތެރެކުރި 13 މިލިއަނަށް ވުރެ ގިނަ ސިނގިރޭޓު ވެސް އަތުލައިގެންފަ އެވެ.
