ކުރީގެ ރައީސް އަދި ޕީޕަލްސް ނެޝަނަލް ފްރަންޓް (ޕީއެންއެފް)ގެ ރައީސް އަބްދުﷲ ޔާމީން އައްޑޫ ސިޓީއަށް ވަޑައިގަންނަވާ ގޮތަށް ހަމަޖެހިއްޖެ އެވެ.
ޗެނަލް 13 އަށް ދެއްވި އިންޓަވިއުއެއްގައި ޔާމީން ވިދާޅުވީ އަންނަ ހުކުރު ދުވަހު އައްޑޫއަށް ކުރައްވާ ދަތުރުގެ ތެރެއިން އެ ސިޓީގައި ޖަލްސާއެއް ބޭއްވުމަށް ހަމަޖެހިފާ ކަމަށެވެ.
ޔާމީން އައްޑޫއަށް ވަޑައިގަންނަވާއިރު އެ މަނިކުފާނު ވަނީ މީގެކުރިން ފުވައްމުލައް ސިޓީ އަދި ތިނަދޫ ސިޓީއަށްވެސް ވަޑައިގެންފަ އެވެ. އެ ދެ ސިޓީގައިވެސް ޕީއެންއެފްގެ ޖަލްސާއެއް ވަނީ ބާއްވައިފަ އެވެ.
