ރޯދަމަހުގެ އުމްރާއަށް ގޮސް އުޅުނު ދިވެއްސަކު ނިޔާވެއްޖެ އެވެ.
ޒަމް ޒަމް ހަޖް އެންޑް އުމްރާ ޓްރެވަލް ގުރޫޕުގެ ހަވާލުގައި އުމްރާގެ އަޅުކަމަށް ގޮސް ހުއްޓާއި ރޭ ފަތިހު ނިޔާވީ ހއ.ދިއްދޫ/ އޮސާކާ، އިބްރާހީމް ރަޝީދެވެ. އޭނާ އުމްރާގެ އަޅުކަމަށް ފުރީ މި މަހުގެ 20 ވަނަ ދުވަހު އެވެ.
ޒަމް ޒަމް ހަޖް އެންޑް އުމްރާ ގުރޫޕުން ބުނީ، އުމުރުން 58 އަހަރުގެ އިބްރާހިމް ރަޝީދަކީ އުމްރާއަށް ދިޔައިރުވެސް ފުއްޕާމޭގެ ކެންސަރު ބައްޔަށް ފަރުވާ ހޯދަމުންދިޔަ މީހެއް ކަމަށެވެ. އޭނާ ނިޔާވީ މައްކާގައި ހުންނަ ނޫރް ހޮސްޕިޓަލުން ކެންސަރަށް ފަރުވާ ހޯދަމުން ދަނިކޮށް ކަމަށް އެ ގުރޫޕުން ބުނެ އެވެ.
”މައުލޫމާތު ލިބިފައިވާ ގޮތުގައި އިންޑިއާގައި ކެންސަރު ބައްޔަށް ފަރުވާ ހޯދަން އުޅެފައި އުމްރާއަށް ދާން ވެގެން ރާއްޖެ އައީ. އުމްރާއަށް ދިޔައިރުއްސުރެ ހޮސްޕިޓަލަށް ދިޔައީ ދައްކަމުން. ރޭގެ ވަގުތެއްގައި ހޮސްޕިޓަލުގައި އެޑްމިޓްކުރީ،“ ޒަމް ޒަމް ހައްޖު އެންޑް އުމްރާ ގުރޫޕުގެ އޮފިޝަލަކު ވިދާޅުވި އެވެ.
އޭނާ ވިދާޅުވީ، އިބްރާހިމް ރަޝީދު ނިޔާވި އިރު، އުމްރާގެ ހުރިހާ ކަމެއް ފުރިހަމަ ކޮށްފައިވާ ކަމަށެވެ
ގުޅުންހުރި
އިމްރާން ހާން 14 އަހަރަށް، އަނބިކަނބަލުން 7 އަހަރަށް ޖަލަށް
ވިލިމާލޭގައި މޫދަށް އެރިއުޅެނިކޮށް އޮޔާ ދަމައިގަތް ދިވެއްސަކު ސަލާމަތްކޮށްފި
މިސްކިތް ތެރޭގައި ކުޅިވަރު ކުޅުނު މައްސަލައެއް ބަލަނީ، ޝަހީމް ވިދާޅުވީ ފިޔަވަޅު
ކުރިއަށް އޮތް ތިން އަހަރު ތެރޭގައި ސަރުކާރުގެ ހުރިހާ ހިދުމަތެއް ޑިޖިޓަލައިޒް
ބާރާއި ނުފޫޒުން ރައްޔިތުންނާއި ދައުލަތުގެ މުދަލުން ތަނަވަސްކަން ހޯދުމަކީ ހަރާމް ކަމެކެވެ.
ސައިފް ނުރައްކަލުން ސަލާމަތްވެއްޖެ، ހާލު ދަނީ ރަނގަޅުވަމުން