އުތުރު ތިލަފަޅުން ބިން ހިއްކައިގެން ދެމެހެއްޓެނިވި ގޮތެއްގައި ދަނޑުވެރިކަން ކުރުމަށް ޗައިނާ ހާބަ އިންޖިނިއަރިން ކޮމްޕެނީ ލިމިޓެޑާއާއެކު ސްޓޭޓް ޓްރޭޑް އޯގަނިޒޭޝަން (އެސްޓީއޯ)ގެ ދަށުން ހިންގާ މޯލްޑިވްސް އިންޑަސްޓްރިއަލް ޑިވެލޮޕްމަންޓް ފްރީ ޒޯން (އެމްއައިޑީ)ން އެމްއޯޔޫއެއްގައި ސޮއިކޮށްފިއެވެ.
އެމްއައިޑީން މިރޭ މީޑިއާތަކަށް ބުނީ އެކަމުގެ އެއްބަސްވުމުގައި އެސްޓީއޯގެ ފަރާތުން ސޮއިކުރެއްވީ މެނޭޖިން ޑިރެކްޓަރު ޝިމާދު އިބްރާހިމް ކަމަށެވެ. ޗައިނާ ހާބާ އިންޖިނިއަރިން ކޮމްޕެނީ ލިމިޓެޑްގެ ފަރާތުން ސޮއިކުރެއްވީ ކަންޓްރީ މެނޭޖަރު މާއޯ ބާއޯ ކަމަށެވެ.
ޗައިނާ ހާބަ އިންޖިނިއަރިން ކޮމްޕެނީ ލިމިޓެޑަކީ ސިނަމާލެ ބުރިޖު ހެދި ކުންފުންޏެވެ.
އެމްއައިޑީން ބުނީ ރާއްޖޭގެ ބޭނުންކުރާ ކާބޯތަކެތީގެ 90 ޕަސަންޓަކީ އިމްޕޯޓުކޮށްފައިވާ ތަކެތި ކަމަށެވެ. ރާއްޖެއަށް އެހާ ގިނަ އަދަދަކަށް ކާބޯތަކެތި އިމްޕޯޓް ކުރަން ޖެހެނީ ރާއްޖެއަކީ ޖިއޯގްރަފީ ގޮތުން ބިން ކުޑަ ގައުމަކަށްވެފައި ދަނޑުވެރިކަން ކުރާނެ ބިން ލިބުމުގައި ދަތިތަކެއް ހުރުމުން ކަމަށެވެ. ޗައިނާ ހާބަ އިންޖިނިއަރިން ކޮމްޕެނީ ލިމިޓެޑާއެކު ހެދި އެއްބަސްވުމުގެ ދަށުން އެފަދަ ދަތިތަަކަށް ހައްލު ހޯދުމަށް މަސައްކަތް ކުރާނެ ކަމަށެވެ.
މިއީ ރާއްޖޭގައި އެގްރިކަލްޗާ އިކޮނޮމިކް ޒޯން (އޭއީޒެޑް)އެއް ގާއިމްކުރުމަށް، ކުރާ މުހިންމު މަސައްކަތެއްކަމަށް އެމްއައިޑީން ބުންޏެވެ.

ގުޅުންހުރި
އީދު ކުލަގަދަކޮށް ފާހަގަކުރުމުގެ އިންތިޒާމުތައް ހަމަޖެއްސި ފަރާތްތަކަށް ރައީސްގެ ޝުކުރު
އެސްޓީއޯ އިން ޕެޓްރޯލް ލީޓަރަކުން 48 ލާރި ހެޔޮކޮށްފި
އުވާލުމަށްފަހު އުވާނުލާ ކަމަށް ބުނި އެގްރޯ ނެޓް ބަލަހައްޓަން އެގްރިކަލްޗާ މިނިސްޓްރީއަށް
އެސްޓީއޯގެ ބޯޑު ޑިރެކްޓަރަކަށް ފަޒީނާ
ކާށީގެ އަގު ތިރިކުރަން ހޯލްސޭލަރުންނަށް އެސްޓީއޯ އިން ކާށި ގެެނެސްދެނީ
އިންޑިއާ އިން އިތުރު ކާށި ޝިޕްމަންޓެއް ގެނެސް ވިއްކަން ފަށައިފި، ކިލޯއެއް