ވޯޓާސް ލިސްޓުގައި ކެންޑިޑޭޓުން ސޮއިކުރަން ފަށައިފި

އިލެކްޝަންސް ކޮމިޝަން (އީސީ) އިން މިއަދު އެކްސްގައި ކުރި ޕޯސްޓުގައި ބުނީ، ރައްޔިތުންގެ މަޖިލިސް އިންތިހާބުގައި ވާދަކުރާ ކެންޑިޑޭޓުން، ވޯޓާސް ލިސްޓުގައި ސޮއިކުރުން މިއަދު ހެނދުނު 10:00 އިން ފެށިގެން މާދަމާ މެންދަމު 12:00ގެ ނިޔަލަށް މައި އިންތިހާބީ މަރުކަޒު، ދަރުބާރުގޭގައި ކުރިއަށްދާނެ ކަމަށެވެ.

ކެންޑިޑޭޓުގެ ބަދަލުގައި އެހެންފަރާތެއްދާ ނަމަ، އެ މީހާގެ ފުރިހަމަ ނަމާއި ދާއިމީ އެޑްރެސް އަދި ދިވެހި ރައްޔިތެއްކަން އަންގައިދޭ ކާޑު ނަންބަރު ހިމެނޭ ގޮތަށް ރައްޔިތުންގެ މަޖިލިސް އިންތިހާބުގައި ބައިވެރިވާ ކެންޑިޑޭޓު ސޮއިކޮށްފައިވާ ސިޓީ އަދި ކެންޑިޑޭޓުގެ އައިޑީކާޑުގެ ކޮޕީއެއް ގެންދަން ޖެހޭނެ ކަމަށްވެސް ބުންޏެވެ.

އިލެކްޝަންސް ކޮމިޝަނުން އާންމުކޮށްފައިވާ މައުލޫމާތަށް ބަލާއިރު، މަޖިލިސް އިންތިހާބުގައި 284،663 މީހުންނަށް ވޯޓު ލެވޭނެ އެވެ. އެއީ 139،361 އަންހެނުންނާއި 14،5302 ފިރިހެނުންނެވެ.

ވިހި ވަނަ ރައްޔިތުންގެ މަޖިލީހުގެ 93 ދާއިރާއަކަށް މެމްބަރުން އިންތިހާބުކުރާއިރު، އިންތިހާބުގައި ޖުމުލަ 369 ކެންޑިޑޭޓުން ވާދަކުރެ އެވެ.