ދުއްވަން އިން ސައިކަލު ކޮންޓްރޯލް ނުވެ ގޮސް ޖެހުނީ މަގު ދަނޑީގައި، ހާލު ސީރިއަސްވެގެން މާލެ އަށް

ފުވައްމުލަކުގައި ރޭ ހިނގި އެކްސިޑެންޓުގައި އަނިޔާ ލިބުނު މީހާގެ ހާލު ސީރިއަސް ވެގެން މާލެ ގެނެސް ފަރުވާ ދޭން ފަށައިފި އެވެ

ފުވައްމުލަކު ދޫނޑިގަން އަވަށުގައި ރޭ 11:43 ހާއިރު އެ އެކްސިޑެންޓް ހިނގީ އޭނާ ދުއްވަން އިން ސައިކަލު ކޮންޓްރޯލް ނުވެ، ޒިބްރާ ކްރޮސްގެ ޕޯސްޓް ދަނޑީގައި ޖެހިގެންނެވެ.

ފުލުހުން މީޑިއާތަކަށް ފޮނުވި މެސެޖެއްގައި ބުނީ އެ އެކްސިޑެންޓުގައި އަނިޔާ ވެފައިވަނީ އުމުރުން 32 އަހަރުގެ ފިރިހެނަކަށެވެ.

އޭނާ އަށް އެންމެ ފުރަތަމަ ފަރުވާ ދިނީ ފުވައްމުލަކު ހޮސްޕިޓަލުން ނެވެ. އަދި ރޭ ފަތިހު އިތުރު ފަރުވާއަށް މާލެ ގެނެސްފައިވާ އިރު، އޭނާގެ ހާލު ސީރިއަސް ކަމަށް ޑޮކްޓަރުންނާ ހަވާލާދީ ފުލުހުން ބުނެ އެވެ.

އެ އެކްސިޑެންޓާ ގުޅިގެން އިތުރަށް ބަލަންޖެހޭ ކަންކަން ފުލުހުން އަންނަނީ ބަލަމުންނެވެ.