ރިޝްވަތު ގަބޫލުކުރުމާއި މަނީ ލޯންޑަރިންގެ ކުށް ސާބިތުވެ 11 އަހަރަށް ޖަލަށްލުމަށް ހުކުމްކޮށްފައި ހުންނެވި ކުރީގެ ރައީސް އަބްދުﷲ ޔާމީން މިނިވަން ނުކޮށްފިނަމަ، އެ މަނިކުފާނު މިނިވަންކުރުމަށް ގޮވާލައި ސަރުކާރާ ދެކޮޅަށް މުޒާހަރާ ކުރަން ފަށާނެ ކަމަށް ޕީއެންއެފް އުފެއްދުމަށް އިސްކޮށް އުޅުއްވާ ކުރީގެ މިނިސްޓަރު މުހައްމަދު މަލީހު ޖަމާލް ވިދާޅުވެއްޖެ އެވެ.
ޕީއެންއެފް އުފެއްދުމުގެ ހުއްދަ އީސީން މިއަދު ދިނުމާ ގުޅިގެން ބޭއްވި ނޫސްވެރިންގެ ބައްދަލުވުމެއްގައި މަލީހު ވިދާޅުވީ ރައީސް ޑރ. މުހައްމަދު މުއިއްޒު ވެރިކަމަށް ވަޑައިގެންނެވީ ޔާމީންގެ ފޮޓޯފުޅާއި އެ މަނިކުފާނުގެ ހުސްގޮނޑި ރައްޔިތުންނަށް ދައްކައިގެން ކަމަށެވެ.
ނަމަވެސް އެކަން ހަނދާން ނެތި، ރައީސް މުއިއްޒުގެ ސްޕެޝަލް އެޑްވައިޒަރު އަބްދުއްރަހީމް އަބްދުﷲ (އަދުރޭ) އާއި ސަރުކާރުގެ މިނިސްޓަރުން ޔާމީނަށް ނިސްބަތްކޮށް އަނިޔާވެރި ބަސްތަކެއް ވިދާޅުވަމުންދާ ކަމަށް ވިދާޅުވި އެވެ.
މަލީހު ވިދާޅުވީ ޔާމީން މިނިވަންކުރުމަށް ސަރުކާރަށް އެއްވެސް ހުރަހެއް ނެތް ކަމަށާއި ނަމަވެސް އެ މަނިކުފާނު އަދިވެސް ހުންނެވީ ބަންދުގައި ކަމަށެވެ. އަދި ސަރުކާރުން ފޯރުވާ ނުފޫޒަށް ނޫނެކޭ ބުނެ، ޔާމީންގެ މައްސަލަ ތާވަލުކޮށްދިނުމަށް ޝަރުއީ ކޯޓުތަކަށް މަލީހު ގޮވާލެއްވި އެވެ.
”ރައީސް ޔާމީން މިނިވަން ނުކުރައްވައި އެގޮތަށް ތަކުރާރު ކުރައްވާ ކަމަށް ވަންޏާ ޕީއެންއެފްގެ ފަރާތުން މަގުމަތީގެ ހަރަކާތްތައް ވެސް އަޅުގަނޑުމެން ފަށާނަން. މުޒާހަރާވެސް ކުރާނަން. ރައީސް އޮފީސް ދޮށަށް ދާން ޖެހިއްޖެއްޔާ އެކަންވެސް އަޅުގަނޑުމެން ކުރާނަން“ މަލީހު ވިދާޅުވި އެވެ.

ގުޅުންހުރި
މިނިވަން ދުވަސް ފާހަގަކުރަން 28 ޖުލައި ބަންދުކޮށްފި
ދުންފަތުގެ އިސްތިއުމާލުކުރުން ހުއްޓާލާ ރަށްރަށުގެ މީހުންނަށް ފައިސާގެ އިނާމެއް ދެނީ
ޔުމްނު ވެއްޓުން: ރިޔާސީ ކޮމިޝަންގެ ތަހުގީގު ރިޕޯޓް އާންމުކުރަން ރައީސް އަންގަވައިފި
މިއަދު މި ދެކެނީ މާ އުފާވެރި ވެރިކަމެއް: ނާޒިމް
އިޒްރޭލުން އިރާނަށް ދިން ހަމަލާތައް ރައީސް މުއިއްޒު ކުށްވެރި ކުރައްވައިފި
ބްރިޖު އެޅުމަށް ޗައިނާ އާއެކު އެންމެ ފުރަތަމަ މަޝްވަރާ ކުރީ އަޅުގަނޑު: