މުސްލިމު ވޯލްޑް ލީގުގެ އެންމެ މަތީ މަޖިލީހުގެ މެންބަރަކަށް ޑރ. ޝަހީމް

އިސްލާމިކް މިނިސްޓްރީން ބުނީ، ޑރ. ޝަހީމް އެ މަގާމަށް ހަމަޖެއްސެވީ އެ ޖަމިއްޔާގެ ސެކްރެޓަރީ ޖެނެރަލް ޑރ. މުހައްމަދު ބިން އަބްދުލްކަރީމުލް އީސާ ކަމަށެވެ.

މުސްލިމް ވޯލްޑް ލީގުގެ އެންމެ މަތީ މަޖިލީހަކީ އިސްލާމީ ދުނިޔޭގައި ފާހަގަކޮށްލެވޭ އިލްމީ ޝަހުސިއްޔަތުތައް ހިމެނޭހެން އެކުލެވިގެންވާ އެ ޖަމިއްޔާގެ އެންމެ މަތީ މަޖިލީހެވެ. އެވެ. އެ ޖަމިއްޔާގެ ހެޑް އޮފީސް ހުންނަނީ މައްކާގަ އެވެ.

ޝަހީމް އެ މަގާމަށް ހަމަޖެއްސެވި އިރު، އޭނާއަކީ ދުނިޔޭގެ އެންމެ ނުފޫޒު ގަދަ 500 މުސްލިމުންގެ ތެރޭގައި ވެެސް ހިމެނިވަޑައިގަންނަވާ ބޭފުޅެކެވެ.

މީގެ އިތުރުން ޝަހީމް ވަނީ 2019-2021 އަށް އޯއައިސީގެ ސެކްރެޓަރީ ޖެނެރަލްގެ އެޑްވައިޒަރުކަން ކުރައްވައިފަ އެވެ. އަދި އޯއައިސީގެ ވޮއިސް އޮފް ވިޒްޑަމް ސެންޓަރުގެ އިންޗާޖުކަމާއި އޯއައިސީން ތައްޔާރުކުރި އިސްލާމިކް އިންސައިކޮލޮޕީޑިއާ އެކުލަވާލުމުގައި ވެސް އޭނާ ވަނީ ވިލަރެސްކުރައްވައިފަ އެވެ.