ދިވެހި ގައުމިއްޔަތާ ބެހޭ ކޮލެޖެއް ވަރަށް އަވަހަށް އުފައްދަވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ރައީސް އެކަން އިއުލާން ކުރެއްވީ މިއަދު ފާހަގަކުރާ ދިވެހި ބަހުގެ ދުވަހުގެ މުނާސަބަތުގައި ފޮނުއްވި ހިތޯބުގަ އެވެ. އެ މަނިކުފާނު ވިދާޅުވީ ދިވެހި ބަހުގެ ދުވަހަކީ ގައުމުގެ ހުރިހާ ދާއިރާއަކުން ދިވެހި ބަހާމެދު ފިކުރު ހިންގާންވި ދުވަސް ކަމަށާއި ދިވެހި ބަހުގެ ދުވަހުގައި އިސްކަން ދޭންވީ ދިވެހި ބަހަށް އިސްކަން ދިނުމުގެ ގާނޫނަށް އަމަލުކޮށް ދިވެހި ބަސް ހެޔޮ ގޮތުގައި ބޭނުން ކުރަން ކަމަށެވެ.
”ދިވެހި ތަރައިގެ ކޮލެޖު ނުވަތަ ދިވެހި ގައުމިއްޔަތުގެ އިސްވަރު ދާދި އަވަހަށް އުފެއްދޭނެއެވެ. އެ ކޮލެޖު ނުވަތަ އިސްވަރު އުފެދުމާ އެކު މުޅި ރާއްޖެ ބައިވެރިވާ ގައުމީ ތަރިކަތަކާއި ބަހާތަކާ މެދު އިލްމީ ގޮތެއްގައި ފިކުރުކުރާނެ ރަސްމީ ވިޔުގައެއް އުފަންވާނެއެވެ.“ ރައީސް ވިދާޅުވި އެވެ.
ދިވެހި ގައުމީ ޗާޕުހާނާ އުފެއްދުމުގެ މަސައްކަތް ވެސް ކުރަމުން އަންނަކަން ފާހަގަކުރައްވައި ރައީސް ވިދާޅުވީ، ޗާޕުހާނާ އުފަންވުމާއެކު ދިވެހިބަހުން ލިޔެވިފައިވާ ޒަމާނީ ފޮތްތަކާއި އެ ނޫންވެސް ޒަމާނީ ޑިޖިޓަލް އުފެއްދުންތައް ދުނިޔޭގެ އެކި ކަންކޮޅުތަކަށް ދިވެހި ބަހުން އާންމުވެގެންދާނެ ކަމަށެވެ. އަދި ރާއްޖޭގެ ރަށްރަށުގައި ކުތުބުހާނާތަކާއި ސަގާފީ މަރުކަޒުތައް ގާއިމުކުރައްވާނެ ކަމަށްވެސް ވިދާޅުވި އެވެ.
