މި ސަރުކާރުން ކުދި ރަށްތައް ތަރައްގީ ނުކުރާނެ ކަމަށާއި ކުދި ރަށްރަށް ތަރައްގީ ކުރުމަކީ އެމްޑީޕީގެ ސިޔާސަތެއްކަމަށް އެމްޑީޕީގެ އެޑްވައިޒަރު، ކުރީގެ ރައީސް އިބްރާހީމް މުހައްމަދު ސޯލިހު ވިދާޅުވެއްޖެއެވެ.
މިމަހުގެ 21 ގައި ބާއްވާ ރައްޔިތުންގެ މަޖިލީހުގެ ކެމްޕޭނަށް އެމްޑީޕީން އއ. ބޮޑުފުޅަދޫގައި މިއަދު ބޭއްވިޖަލްސާގައި ވާހަކަދައްކަވަމުން ސޯލިހް ވިދާޅުވީ ބޮޑުފުޅަދޫއަށް ބޭނުންވާ ކަންކަން ކޮށްދިނުމަށް އެ މަނިކުފާނު ވަނީ ރިޔާސީ އިންތިހާބުގައި ބޮޑުފުޅަދޫއަށް ވަޑައިގެން ވައުދުވެފައި ކަމަށެވެ. އެގޮތުން ބިން ހިއްކުމާއި، ފެނާއި ނަރުދަމާ އަޅައި ދިނުމަށް ވައުދުވެފައިވާނެކަމަށް ސޯލިހު ވިދާޅުވިއެވެ.
ސޯލިހު ވިދާޅުވީ އެފަދަ ކަންކަން ކުދި ރަށްރަށަށް ކޮށް ދިނުމަކީ މި ސަރުކާރުގެ ސިޔާސަތެއް ނޫން ކަމަށެވެ.
”އެމްޑީޕީއާއި އިދިކޮޅަށް މި ސަރުކާރަށް ތާއީދު ކުރާ ކެނޑިޑޭޓަކަށް ވޯޓު ދިނުމަކީ ކުދި އާބާދީތަށް ތަރައްގީ ކުރުމާ އިދިކޮޅަށް ދެވޭ ވޯޓެއް. މި ރަށްތައް ތަރައްގީކުރަން ބޭނުން ކަމަށްވަންޏާ ވޯޓު ދެއްވަންވާނީ އެމްޑީޕީއަށް. ވެރިކަމުގައި ތިއްބަސް ވެރިކަމުގައި ނެތަސް އަޅުގަނޑުމެންގެ ސިޔާސަތަކީ ކުދި ރަށްތައް ތަރައްގީކުރުން.“. ސޯލިހް ވިދާޅުވިއެވެ.
ރިޔާސީ އިންތިހާބުގެ ކެމްޕެއިންގައިވެސް ރައީސް މުއިއްޒު ވަނީ ކުދި އާބާދީތަކަކީ ތަރައްގީކުރަން ޖެހޭތަނެއް ނޫން ކަމަށް ވިދާޅުވެފައިކަމަށް ސޯލިހު ވިދާޅުވިއެވެ. އެފަދަ ސިޔާސަތެއް ގެންގުޅޭ ބަޔަކަށް މަޖިލިސް ދިނަސް ކުދި ރަށްރަށް ތަރައްގީނުވާނެކަމަށް ސޯލިހު ވިދާޅުވިއެވެ.
އެމްޑީޕީ ވެރިކަމުގައި އޮތަސް ނެތަސް އެ ޕާޓީގެ ސިޔާސަތަކީ ކުދި ރަށްތަކަށް ބޭނުންވާ އަސާސީ ކަންކަމާއި ތަރައްގީ ގެނެސްދިނުން ކަމަށެވެ. އެމްޑީޕީއަށް މަޖިލީހުގެ މެޖޯރިޓީ ބޭނުންވަނީ އެކަން ހާސިލުކުރަންކަމަށް ސޯލިހު ވިދާޅުވިއެވެ.
ގުޅުންހުރި
ރައީސް މުއިއްޒަށް ސިހުރު ހެދި ކަމަށް ފުލުހުން ބުނާ ސިހުރުވެރިޔާ ދޫކޮށްލައިފި
ޝަމްނާޒާ ދެކޮޅަށް ސިހުރުގެ މައްސަލަ ހުށަހެޅީ ރައީސްގެ ފަރާތްޕުޅަކުން ނޫން: ސަރުކާރު
ބަކާ ނިޔާވުމަކީ ދިވެހި ހުރިހާ ރައްޔިތުންނަށް ލިބުނު ފުން ހިތާމެއް: ރައީސް
ހަރަދު ކުޑަކުރުމާއި އާމްދަނީ އިތުރުކުރުމުގެ ސިޔާސަތެއް އެކުލަވާލަނީ
އީޔޫ އިން ދޭ ފުރުސަތުތައް ރާއްޖެއަށް ހޯދަން ސަމޯއާ އެގްރިމަންޓުގައި ބައިވެރިވާން
ހައްޖުގެ ފުރިހަމަ އިންތިޒާާމުތަކަށް ރައީސް މުއިއްޒު ސައުދީއަށް ޝުކުރު އަދާކުރައްވައިފި