އދ. ފުރިހަމަ މެމްބަރުކަން ފަލަސްތީނަށް ދިނުމަށް އެމެރިކާއިން ހުރަސް އެޅުމުން ރާއްޖެއިން ކަންބޮޑުވުން ފާޅުކޮށްފިއެވެ.
އދ.ގެ ފުރިހަމަ މެމްބަރުކަން ދިނުމަށް އިއްޔެ ޖެނެރަލް އެސެމްބްލީން ނިންމި ނިންމުން އެމެރިކާއިން ވަނީ ވީޓޯ ކޮށްފައެވެ.
އެކަމުގެ ކަންބޮޑުން ފާޅުކޮށް ފޮރިން މިނިސްޓަރު މޫސާ ޒަމީރު އެކްސްގައި މިއަދު ކުރެއްވި ޕޯސްޓެއްގައި ވިދާޅުވީ ރާއްޖެއިން ވަކާލާތު ކުރަނީ ފަލަސްތީނަށް ފުރިހަމަ މެމްބަރުކަން ދިނުމަށް ކަމަށެވެ. ހުރިހާ ގައުމަކާމެދު އިންސާފު ހަމަހަމަ ގޮތެއްގައި އަދ.އިން ކަންތައް ކޮށްދޭން ޖެހޭނެ ކަމަށް ޒަމީރު ވިދާޅުވިއެވެ.
އދ.ގެ ޖެނެރަލް އެސެމްބްލީގައި ރާއްޖެއިން އިއްޔެ ބުނެފައިވަނީ ފަލަސްތީނަކީ ޔޫއެންގެ ފުރިހަމަ މެމްބަރުކަން ލިބިފައިވާ ގައުމަކަށް ހެދުމަށް އދ.ގެ ހުރިހާ ގައުމެއް މަސައްކަތް ކުރުމަށް ގޮވާލާ ކަމަށެވެ. އދ.ގެ ސަލާމަތީ މަޖިލީހުގެ އެޖެންޑާގައި ފަލަސްތީނުގެ މައްސަލަ އޮންނަނީ އިޒްރޭލުން، ފަލަސްތީނު ރައްޔިތުންނާ މެދު ބައިނަލްއަގުވާމީ ގާނޫނާ ހިލާފަށް ހިންގާ އަމަލުތަކުގެ ސަބަބުން ކަމަށާއި ނަމަވެސް، ސަލާމަތީ މަޖިލީހުން އެކަން ހުއްޓުވަން މަސައްކަތް ނުކުރާ ކަމަށް ރާއްޖެއިން ބުންޏެވެ.
އިޒްރޭލުން ފަލަސްތީނާ ދެކޮޅަށް ހިންގާ ނަސްލު ނައްތާލުމުގެ ހަރަކާތްތައް ނިމުމަކަށް ގެނެވޭނީ އިޒްރޭލަށް ހަތިޔާރު ވިއްކުން މަނާކޮށް ފަލަސްތީނަކީ ޔޫއެންގެ މެންބަރު ގައުމަކަށް ހަދާ އެ ގައުމުގެ މިނިވަން ކަމަށް އަޑު އުފުލައިގެން ކަމަށް ރާއްޖެއިން ބުންޏެވެ.
![](https://haftha.mv/wp-content/uploads/2024/04/Scam-call-ad-MMA.jpg)
![](https://haftha.mv/wp-content/uploads/2024/04/Scam-call-ad-MMA.jpg)
ގުޅުންހުރި
ދިވެހި ސިފައިންގެ ފަރާތުން ފަލަސްތީން ފަންޑަށް 2.1 މިލިއަން ރުފިޔާ!
އާރުޑީސީގެ މުވައްޒަފުންގެ އެއް ދުވަހުގެ މުސާރަ ފަލަސްތީން ރައްޔިތުންނަށް!
ލަންކާގައި ދިރިއުޅޭ ދިވެހި އިސްރަށްވެހީނަށް ޕާމަނެންޓް ރެޒިޑެންސް ދިނުމަށް ރާއްޖެއިން އެދިއްޖެ
ދިވެހިންނަށް 90 ދުވަހުގެ އޮން އެރައިވަލް ވިސާ ލިބޭ ގޮތް ލަންކާއިން
އިޒްރޭލު ޕާސްޕޯޓް މަނާކުރަން ހުށަހެޅި ބިލު މާދަމާގެ ޖަލްސާއަށް އެޖެންޑާ ކޮށްފި
ބޭނުންވަނީ އިސްރާއީލް ޕާސްޕޯޓް މަނާކުރަން، ސަރުކާރުގެ ހުށަހެޅުމަށް ތާއީދުކުރަން: އެމްޑީޕީ