ގެއްލިގެން ހޯދަމުންދިޔަ މ. މަޑުއްވަރި ދޯންޏާއި އޭގައި ތިބި މީހުން ހޯދައިފި އެވެ.
ތިން މީހުންނާއެކު މަހަށް ނުކުތް ’ފަރިހި 2‘ ނަމަކަށް ކިޔާ އެ ދޯނި ގެއްލިގެން އެމްއެންޑީއެފަށް ފުލުހުން އެންގީ ރޭގެ 10:45 ހާއިރެވެ.
އެ ދޯނި ހޯދުމަށް މ. މުލީގައި އޮންނަ ކޯސްޓްގާޑް ހާބާކްރާފްޓް 114 ރޭގެ 11:20 އިން ފެށިގެން ހަރަކާތްތެރި ވަމުންދިޔަ އިރު، ކޯސްޓްގާޑުގެ ފާަސްޓް އިންޓަސެޕްޓާ ކްރާފްޓް ’މާފަތް‘ ވެސް ދިޔައީ ހަރަކާތްތެރިވަމުންނެވެ.
އަދި ރޭ ދަންވަރު 2:00 ޖަހާކަންހާއިރު އެމްއެންޑީއެފް ވައިބާރުން ޑްރޯން އެ ސަރަހައްދަށް އުދުއްސާލާފައިވެ އެވެ. މިއީ މިފަދަ އޮޕަރޭޝަނެއްގައި ޑްރޯން ބޭނުންކުރާ ފުރަތަަމަ ފަހަރެވެ.
ދޯނި ގެއްލިގެން ރިޕޯޓްކުރިތާ 18 ގަޑިއިރު ފަހުން އެމްއެންޑީއެފުން ބުނީ، އެ ދޯނި ހޯދުމަށް ޑްރޯން އާއި ކޯސްޓްގާޑުގެ އުޅަނދުފަހަރު ބޭނުންކޮށްގެން ކަނޑާއި ވައިގެ މަގުން ކުރި މަސައްކަތުން މ. ރަތްމަންދޫގެ 23 ނޯޓިކަލް މޭލު ބޭރުން އިންޖީން ހުއްޓިފަައިވަނިކޮށް ހޯދާފައިވާ ކަމަށެވެ.
އަދި ދޯނީގައި ތިބި ތިން މީހުންގެ ހާލުވެސް ރަނގަޅު ކަމަށް ބުންޏެވެ.
ގުޅުންހުރި
ދިވެހިންގެރާއްޖެ ހޯދަން ރައީސް މުއިއްޒު 15 އަހަރު ވެރިކަމުގައި ބަހައްޓަންޖެހޭ: އަބްދުއްރަހީމް
ކޮރެއާގެ ކުންފުންޏަކަށް 1 މަސް ތެރޭ 3 މިލިއަން ޑޮލަރު ދައްކަން
އުމުރުން ދުވަސްވީ މީހުންގެ އަތުން ފޭރުމުގެ މައްސަލަތައް އިތުރުވަނީ
ރަށެއްގެ ބަނދަރަށް ވަންނަން ވާދަޖެހި ކަމަށް ބުނާ ލޯންޗުތަކުގެ މައްސަލަ ބަލަނީ
ޖެންޒީންނަށް ވިސްނޭނެ ގޮތަކަށް އިސްލާމް ދީނުގެ ކަންކަން ކިޔައިދޭންޖެހޭ: ރައީސް
ފިހާރައެއްގެ ތެރޭގައި ހުރި މީހަކަށް ތޫނު އެއްޗަކުން ހަމަލާދީފި