ނޮވެމްބަރ 5, 2025

ވަގުތީ ނަތީޖާ: 71 ގޮނޑި އާއެކު މަޖިލީހުގެ ސުޕަ މެޖޯރަޓީ ސަރުކާރަށް

  • by
  • ޖޫން 10, 2024
  • 279 Views

މިއަދު ބޭއްވި ރައްޔިތުންގެ މަޖިލީހުގެ ސުޕަ މެޖޯރަޓީ ސަރުކާރު ހިންގާ ޕީއެންސީއަށް ލިބިއްޖެ އެވެ.

މަޖިލިސް އިންތިހާބުގެ ވޯޓުލުން ނިމި ވަގުތީ ނަތީޖާތައް އިއުލާން ކުރަމުންދާއިރު މިހާތަނަށް ލިބިފައިވާ ނަތީޖާ އިން ދައްކާ ގޮތުގައި ޕީއެންސީއަށް 71 ގޮނޑި ވަނީ ކަށަވަރުވެފަ އެވެ.

ގާނޫނުއަސާސީ އިސްލާހުކުރުމުގެ ބާރާ އެކު، 20 ވަނަ މަޖިލީހަށް އިންތިހާބު ކުރާ 93 މެމްބަރުންގެ ސުޕަ މެޖޯރިޓީ ނުވަތަ ހަތަރު ބައި ކުޅަ ތިން ބައި ހޯދަން ބޭނުން ވަނީ 70 ގޮނޑި އެވެ.

ވަގުތީ ނަތީޖާއިން ދައްކާގޮތުގައި މިހާތަނަށް:

  • ޕީއެންސީއަށް – 71 ގޮނޑި
  • އެމްޑީޕީއަށް – 12 ގޮނޑި
  • އަމިއްލަ – 6 ގޮނޑި
  • އެމްޑީއޭ – 2 ގޮނޑި
  • ޖުމްހޫރީ ޕާޓީ – 1 ގޮނޑި
  • އެމްއެންޕީ – 1 ގޮނޑި

 

މި ނަތީޖާއަށް ބަލާއިރު ސަރުކާރާ ގުޅިގެން މަސައްކަތް ކުރާ އެމްއެންޕީ، ޖުމްހޫރީ ޕާޓީ އަދި އެމްޑީއޭގެ ގޮނޑިތަކުގެ އިތުރުން އަމިއްލަ ގޮތުން ވާދަކުރެއްވި ކެންޑިޑޭޓުންގެ ތެރެއިން ޕީއެންސީން ތާއީދު ކުރެއްވި ކެންޑިޑޭޓުން ލައިގެން ސަރުކާރަށް 76 ގޮނޑި ލިބެ އެވެ.

މިހާތަނަށް އެއްވެސް ގޮނޑިއެއް ކާމިޔާބު ނުކުރެވެނީ ދަ ޑިމޮކްރެޓްސް އާއި އަދާލަތު ޕާޓީ އަދި ކުރީގެ ރައީސް އަބްދުﷲ ޔާމީންގެ ފަރާތްޕުޅުން ވާދަކުރެއްވި ކެންޑިޑޭޓުންނަށެވެ.