ވެލާނާ އިންޓަނޭޝަނަލް އެއާޕޯޓް (ވީއައިއޭ) ހަތް މިލިއަން ފަސެންޖަރުންނަށް ހިދުމަތް ދެވޭ ވަރަށް ތަރައްގީ ކުރުމަށާއި ރާއްޖޭގެ ސިއްހީ ނިޒާމު ތަރައްގީ ކުރުމަށް ސައުދީ އަރަބިއްޔާގެ ސައުދީ ފަންޑު ފޯ ޑިވެލޮޕްމެންޓުން ފަންޑުން، ރާއްޖެއަށް 150 މިލިއަން ޑޮލަރުގެ ލޯނެއް ދީފި އެވެ.
ފިނޭންސް މިނިސްޓްރީގައި މިއަދު ބޭއްވި ރަސްމިއްޔާތެއްގައި ލޯނު އެއްބަސްވުމުގައި ދިވެހި ސަރުކާރުގެ ފަރާތުން ސޮއިކުރެއްވީ ފިނޭންސް މިނިސްޓާ ޑރ. މުހައްމަދު ޝަފީގެވެ. އަދި ސައުދީ ފަންޑް ފޯ ޑެވެލޮޕްމަންޓުގެ ފަރާތުން އެއްބަސްވުންތަކުގައި ސޮއިކުރެއްވީ އެ ފަންޑުގެ ސީއީއޯ ސުލްތާން ބިން އަބްދުލް ރަހްމާން އަލް މަރްޝަދެވެ.
އެ އެއްބަސްވުންތަކުގެ ދަށުން ވީއައިއޭ ތަރައްގީކުރުމަށް 100 މިލިއަން ޑޮލަރުގެ ލޯނެއް، އަދި ސިއްހީ ދާއިރާ ތަރައްގީކުރުމަށް 50 މިލިއަން ޑޮލަރުގެ ލޯނެއް، ސައުދީ ޑިވެލޮޕްމެންޓުން ފަންޑުން ފޯރުކޮށްދޭނެއެވެ.
ސައުދީ ފަންޑް ފޯ ޑެވެލޮޕްމަންޓުގެ ސީއީއޯ ވިދާޅުވީ ވެލާނާ އިންޓަރނޭޝަނަލް އެއަރޕޯޓް ތަރައްގީކުރުމަށް ހަމަޖެއްސި 100 މިލިއަން ޑޮލަރުގެ ލޯނު އެހީއަކީ މީގެކުރިން ފޯރުކޮށްދީފައިވާ އެހީއަށް އިތުރުކޮށްދޭ އެހީއެއްކަމަށެވެ.
އަދި ސިއްހީ ދާއިރާ ތަަރައްގީކުރުމަށް ދިން އެހީއަކީ ރަށްރަށުގައި ފޯރުކޮށްދޭ ސިއްހީ ހިދުމަތުގެ ފެންވަރު ރަނގަޅުކުރުމަށް ފޯރުކޮށްދޭ އެހީއެއްކަމަށެވެ.
ގުޅުންހުރި
މާލޭ ގެއެއްގެ ފުރާޅު މައްޗަށް ޒުވާން އަންހެނަކު ވެއްޓިފައި އޮއްވާ ފެނިއްޖެ،
ޒުވާނުން އަލުން މަހަށް ދާން ފަށައިފި، އެއީ ބޭނުންވި ގޮތް: ރައީސް
ކުއްލި ގޮތަކަށް މަރުވި ކޫބެއަކީ އިރަމްގެ ފިރިމީހާ، ކައިވެންޏަށް އަދި އަހަރެއް
ފުވައްމުލަކުގައި ކަރަންޓުގައި ޖެހިގެން ޒުވާނަކު މަރުވެއްޖެ
ނޫސްވެރިންނާ ބައްދަލުނުކުރައްވާތާ 515 ދުވަސް ފަހުން ރައީސް ނޫސްވެރިންނާ ބައްދަލުކުރައްވަނީ
ސިނގިރޭޓް މަނާކުރުމުގައި ގިނަ މީހުން ބޭނުންވި ގޮތާ ހިލާފަށް ނިންމީ އިހުތިރާމް