ފާހާނާގައި ފެން ބޮޑުވާތީ ލޯވަޅެއް ތޮރުފާފައި މަގުމައްޗަށް ފެންފައިބާ ގޮތް ހަދާފައި ހުރި ގެއެއްގެ މައްސަލަ މާލެ ސިޓީ ކައުންސިލުން ބަލަން ފަށައިފި އެވެ.
އެ މަންޒަރު ފެންނަ ވީޑިއޯ އަކާއެކު ކައުންސިލުން ބުނީ ގެއެއްގެ މަތީ ބުރިއަކުން މަގުމައްޗަށް ފެންފައިބާތީ ކައުންސިލުން ގޮސް ބެލި އިރު، އެ ގޭގެ ފާހާނާގައި ފެން ބޮޑުވެގެން ފާހާނާ ތެރެއިން ލޯވަޅެއް ތޮރުފައި އެ ފެން ބޭރަށް ފައިބާ ގޮތް ހަދާފައިވާ ކަމަށެވެ. އަދި އެކަން ބަލަމުންދާ ކަމަށްވެސް ބުންޏެވެ.
ވީޑިއޯ އިން ފެންނަ ގޮތުން އެކަން ކޮށްފައިވަނީ ގ. ދޮންފެހި ގޭގެ ދެވަނަ ބުރިންނެވެ. ނަމަވެސް އެކަމާ ގުޅިގެން އެޅި ފިޔަވަޅެއް ކައުންސިލުން ނުބުނެ އެވެ.
ކައުންސިލުން ވަނީ ރައްޔިތުންނަށް އުނދަގޫވާ ގޮތަށް އެފަދަ ކަންކަން ނުކުރުމަށް އިލްތިމާސް ކޮށްފަ އެވެ.
އިމާރާތްތަކުން މަގުމައްޗަށް ފެން ބޭރުވާނެ ހެން ހުރުމަކީ އެކަން ހައްލު ކުުރުމަށް އެކަށީގެންވާ މަސައްކަތްތަކެއް ކުރެވިފައި ނުވާ، ރައްޔިތުންގެ ބޮޑު ޝަކުވާ އެކެވެ. އެ މައްސަލަ ހައްލު ކުރުމުގެ މަސައްކަތް އާދަމް އާޒިމްގެ މޭޔަރުކަމުގައި ދާދި ފަހުން ވަނީ ފަށައިފަ އެވެ.
ގުޅުންހުރި
ކޮމަންޑޫގެ ފަޅުގެއަކަށް ހަތަރު ލައްކަ ރުފިޔާގެ ކަރަންޓު ބިލެއް!
ފިރިހެން ކުއްޖަކު، ހަތަރު އަހަރުގެ އަންހެން ކުއްޖަކަށް ޖިންސީ ގޯނާކުރި މައްސަލައެއް
ދަރުމަވަންތަ ހޮސްޕިޓަލާ ދިމާ ބޭރުން އަނިޔާވެފައި އޮއްވައި ފެނުނު މީހާ މަރުވެއްޖެ
ސްޓެލްކޯއިން ހިންމަފުށީގައި ގާއިމުކުރި މީޑިއަމް ވޯލްޓޭޖް ޑިސްޓްރިބިއުޝަން ވިއުގަ ބޭނުން ކުރަން
ބޭރު ފައިސާގެ ބިލާއެކު ދައުރުވާ ޑޮލަރު ބޮޑުތަނުން އިތުރުވެގެންދާނެ: ރައީސް
ޑޮލަރު މާރުކުރުމަށް ނިންމި ނިންމުމަށް ލުއި ދީފައިނުވާނެ: މުނައްވަރު