ރާއްޖޭގެ އިޒްރޭލު ޕާސްޕޯޓު މަނާކުރަން އިމިގްރޭޝަންގެ ގާނޫނަށް އިސްލާހު ހުށަހަޅައިފިއެވެ.
އިމިގްރޭޝަންގެ ގާނޫނަށް އިސްލާހު ގެންނަން ރައްޔިތުންގެ މަޖިލީހަށް ހުށަހެޅުއްވީ މަޖިލީހުގެ ގަލޮޅު ދެކުނު ދާއިރާގެ މެންބަރު މީކާއިލް ނަސީމެވެ. އޭނާ ވިދާޅުވީ އެ އިސްލާހު ހުށަހެޅުއްވީ މިއަދު ކަމަށެވެ.
މީކާއީލް ހުށަހެޅުއްވި އިސްލާހުގައި ބަޔާންކޮށްފައިވަނީ އިޒްރާއީލްގެ ޕާސްޕޯޓު ގެންގުޅޭ މީހުން އޭގެ ތެރޭގައި އިޒްރާއީލްގެ ޕާސްޕޯޓުގެ އިތުރުން، އެހެން ގައުމެއްގެ ޕާސްޕޯޓު ގެންގުޅޭ މީހުންވެސް ހިމެނޭ ގޮތަށް ރާއްޖެއަށް އެތެރެވުން މަނާ ކުރުމަށެވެ.
މީކާއީލް އެ އިސްލާހު ހުށަހެޅުއްވީ އިމިގްރޭޝަންގެ ގާނޫނުގެ 8 ވަނަ މާއްދާގެ 7 ވަނަ ނަންބަރުގެ ފަހަތަށް އިތުރުކުރާ ނަންބަރެއްގެ ގޮތުގައެވެ.
އެފަދަ އިސްލާހެއް އިމިގްރޭޝަން ގާނޫނަށް ހުށަހަޅަން ޖެހުނު ސަބަބެއް ކަމަށް މީކާއީލް ވިދާޅުވީ އިޒްރޭލުން، ފަލަސްތީނުގެ ދަރިފަސްކޮޅޮ ނައްތާލުމަށް ހިންގަމުންދާ ގަތުލުއާންމާއި ދެކޮޅަށް ރާއްޖެއިން ފިޔަވަޅު އެޅުމުގެ ގޮތުން ކަމަށެވެ.
އަދި ރާއްޖެއަށް އިޒްރޭލުގެ ރައްޔިތުން އެތެރެވުން މަނާކުރުމަށް ސަރުކާރަށް ގޮވާލާ 19 ވަނަ މަޖިލީހުން ގަރާރެއް ފާސްކުރުމުން ވެސް މި ސަރުކާރުން މިހާތަނަށް އެކަމުގައި އަމަލުކުރާނެ ގޮތެއް ސާފުކޮށްދީފައިނުވާތީއާއި އެކަން ކުރެވޭނެ ވަކި މުއްދަތެއް ނޭނގޭތީ، ސީދާ ގާނޫނަށް ގެންނަ ބަދަލަކުން އިޒްރޭޕު ޕާސްޕޯޓު މަނާ ކުރުމަށް ކަމަށެވެ.

ގުޅުންހުރި
މުސާރަ ކުޑަކޮށްފި ނަމަ ކެމްޕެއިނަށް ނެގި އެތައް މިލިއަނެއްގެ ދަރަނި އަދާނުކުރެވޭނެ:
އިމިގްރޭޝަންގެ އޮފިސަރުން ބިދޭސީ މީހާގެ އަތުން ފައިސާ އަތުލީ ސައްހަ ލިޔުންތައް
ޝަމްއާންގެ ބަންދަށް 15 ދުވަސް ޖެހި މައްސަލަ ހައިކޯޓަށް
ފަލަސްތީނުގެ ރައްޔިތުން ގާޒާއިން ބޭރުކުރަން އިޒްރޭލުން އުޅޭތީ އެކަން ރާއްޖެއިން ކުށްވެރިކޮށްފި
ޝަހީދުކޮށްލި ނޫސްވެރިޔާގެ ފަހު މެސެޖު: ފަލަސްތީން މިނިވަން ވަންދެން، އަހަރެމެންގެ ވާހަކަ
ޝަމްއާންގެ އަނބިކަނބަލުންގެ ފޯނު ހިފަހައްޓައި 2 މީހަކު ފުރުން މަނާކޮށްފި