ސަރުކާރު ހުރިހާ ސްކޫލްތެއް އޭސީކޮށް ފިނިކުރުމަށް މިއަދު ފެށި ”ކޫލް ސްކޫލް“ ޕްރޮޖެކްޓްގެ ދަށުން ފިނިކުރާ، ކޫލް ސްކޫލެއްގައި ދަރިވަރުންގެ ސުލޫކާއި އުޅުމަށް ހެޔޮ ބަދަލުތަކެއް އަންނާނެ ކަމަށާއި ބުލީއެއް ނުކުރާނެ ކަމަށް އެޑިއުކޭޝަން މިނިސްޓަރު ޑރ. އިސްމާއިލް ޝަފީއު ވިދާޅުވެއްޖެއެވެ.
މިއަދު ހެނދުނު މާފުށީ ސްކޫލްގައި ބޭއްވި ހާއްސަ ރަސްމިއްޔާތެއްގައި ”ކޫލް ސްކޫލް“ ޕްރޮޖެކްޓް ފައްޓަވައިދެއްވުމަށްފަހު، ވާހަކަފުޅުދައްކަވަމުން މިނިސްޓަރު ވިދާޅުވީ، ”ކޫލް ސްކޫލް“ ޕްރޮޖެކްޓް ފެއްޓެވީ ހަމައެކަނި ފިނިކޮށްލައިގެން ނިންމާލަން ނޫން ކަމަށެވެ.
”ކޫލް ސްކޫލެއްގައި ހިތަށް ފިނިކަން އަންނާނެ. އުފާވެރިކަން އިހުސާސްވާނެ ފިނިކަމާ އެކުގައި ދަރިވަރުންގެ ސުލޫކާއި އުޅުމަށް ހެޔޮ ބަދަލުތަކެއް އަންނާނެ. ވިޔާނުދާ ކަންތައްތަކުން ދަރިވަރުން ދުރުހެލިވާނެ، ހިތްއުފާވާނެ، ބުލީއެއްނުކުރާނެ ރުޅިވެރިކަމެއް މިފަދަ މާހައުލެއްގައި ނޯންނާނެ،“ މިނިސްޓަރު ވިދާޅުވިއެވެ.
މިނިސްޓަރު ވިދާޅުވީ، މުދައްރިސުންނާއި ސްކޫލް މެނޭޖުމެންޓާއި ބެލެނިވެރިން ގުޅިގެން ކުރާ މި މަސައްކަތުގެ ނަތީއަކަށް ވާންވާނީ ތަރުބިއްޔަތު ކުރާ ކުދިންނަކީ، ދިވެހި ގައުމާއި އަމިއްލަ ރަށާއި އަދި އެކުދިންގެ މުޅި ދިރިއުޅުމަށް އުޖާލާ ކުރުވަނިވި ދަރިންތަކަކަށް ހެދުން ކަމަށެވެ. އަދި ކާމިޔާބު އިންސާނެއް އުފެއްދުމަށް ލިބެންޖެހޭ ހުރިހާ ތައުލީމަކާއި ތަރުބަވީ ކަންތައްތައް ފުރިހަމަވެގެންވާ ދަރިންތަކަކަށް ހެދުން ކަމަށްވެސް ވިދާޅުވިއެވެ.


ގުޅުންހުރި
ރޯދަ މަހު ތަކެތީގެ އަގުބޮޑުވިޔަ ނުދޭނަން، ގެނެވުނު ގޮތަކަށް ގެނެސް އަގުހެޔޮ
ރޯދައަށް މާލޭގެ މަގުތައް ސާފުކުރުން: އެއް ދުވަހުން 235 އުޅަނދު ޓޯކޮށްފި!
ސަލްޓަން ޕާކު މަރާމާތު ކޮށްދޭނެ ބަޔަކު ހޯދަން ސިޓީ ކައުންސިލުން އިއުލާންކޮށްފި
ވިލުފުށީ ކެފޭއަކަށް ސިހުރު ހެދި ކަމަށް ތުހުމަތުވާ މީހާ 15 ދުވަހަށް
ރޯދަމަހަށް މާލެ ސާފުކުރުމުގެ ބޮޑު ހަރަކާތެއް ފަށައިފި
އެޗްޑީސީގެ ސީއެފްއޯ އާއި އިތުރު ވެރިއަކު ވަކިކޮށްފި