މަޖީދިއްޔާގެ ދަރިވަރަކު ޓީބީއަށް ޕޮޒިޓްވެއްޖެ، އިތުރު ދަރިިވަރުން ޓެސްޓް ކުރަނީ

މަޖީދިއްޔާ ސްކޫލުގެ ދަރިިވަރަކު ޓީބީ ބައްޔަށް ޕޮޒިޓިވްވެއްޖެ އެވެ.

އެޑިޔުކޭޝަން މިނިސްޓްރީން މިއަދު ބުނީ އެ ދަރިވަރު ޓީބީއަށް ޕޮޒިިޓިވްވުމާ ގުޅިގެން ހެލްތް ޕްރޮޓެކްޝަން އެޖެންސީ (އެޗްޕީއޭ)ގެ ޕްރޮޓޮކޯލާ އެއްގޮތަށް އަމަލު ކުރަމުންދާ ކަމަށެވެ.

އެނގިފައިވާ ގޮތުން އެޗްޕީއޭގެ އިރުޝާދުގެ ދަށުން އެ ސްކޫލުގެ އެހެން ދަރިވަރުން ޓީބީއަށް ޓެސްޓް ކުރުމުގެ މަސައްކަތް މިހާރު ވަނީ ފަށައިފައެވެ.

ޓީބީ ބައްޔަކީ ރާއްޖޭގައި އާންމު ބައްޔައް ނޫނެވެ. ނަމަވެސް ވަރަށް މަދުން އެ ބަލީގެ ކޭސްތައް ރާއްޖެއިން ފެނެ އެވެ.

މީގެ ކުރިން 2022 ވަނަ އަހަރު ސީއެޗްއެސްއީގެ ދަރިވަރަކު ވެސް ވަނީ ޓީބީއަށް ޕޮޒިޓިވްވެފައެވެ.