ފުލުހުންނަށް އިންޒާރުދިން ކުޑަކުއްޖަކަށް ނަސޭހަތް ދިނުމަށްފަހު ބެލެނިވެރިޔާއާ ހަވާލުކޮށްފިއެވެ. ބެލެނިވެރިޔާގެ ހާޒިރުގައި ނަސޭހަތް ދިނުމަށްފަހު ދޫކޮށްލައިފި އެވެ.
އެ ކުއްޖާ ފުލުހުންނަށް އިންޒާރުދޭ މަންޒަރާއި އަޑު ފެންނަ ވީޑިއޯއެއް އެމްވީކްރައިސިސްއިން މިއަދު ވަނީ އާންމުކޮށްފައެވެ.
އެ ވީޑިއޯއާ ގުޅިގެން ފުލުހުންގެ ތަރުޖަމާނު ޗީފް ސްޕްރިންޓެންޑެންޓް އޮފް ޕޮލިސް އަހުމަދު ޝިފާން އެކްސްގައި މިރޭ ކުރެއްވި ޕޯސްޓެއްގައި ވިދާޅުވީ އެއީ ކ. ގުރައިދޫގައި ހިނގި ހާދިސާއެއް ކަމަށެވެ. ފުލުހުން އެ ކުއްޖާ ހުއްޓުވީ މައުލޫމާތު ސާފުކުރަން ކަމަށާއި ނަމަވެސް އެ ކުއްޖާ ފުލުހުންނަށް އިންޒާރު ދީފައިވާ ކަމަށެވެ.
އެއީ 17 އަހަރުގެ ކުއްޖެއް ކަމަށް ޝިފާން ވިދާޅުވި އެވެ.
”އެހެންކަމުން އެ ކުއްޖާ ޕޮލިސް ސްޓޭޝަނަށް ގެންގޮސް ބެލެނިވެރިންގެ ހާޒިރުގައި ކުއްޖާއަށް ނަސޭހަތްދީ އެ ކުއްޖާ ވަނީ ބެލެނިވެރިންނާ ހަވާލުކޮށްފައި“ ޝިފާން ވިދާޅުވި އެވެ.
ގުޅުންހުރި
ރަސޫލާގެ ސުންނަތާ ދެކޮޅު ހަދާ މީހުންނާމެދު ސަމާލުވާންޖެހޭ: ހުތުބާ
ރައީސުލްޖުމްހޫރިއްޔާ، މަގާމުން ދުރުކުރުމުގެ ބާރު ރައްޔިތުންނަށް ލިބޭ ގޮތަށް ހަދަނީ
ޔުމްނު ”ވެއްޓުނު“ މައްސަލައިގައި އަމީންގެ އިތުބާރު ނެތް ކަމަށް ފާހެއް ނުވި!
ދިރިއުޅޭ ގޭގެ ޖިނާއީ ކުށެއް ކުރި ނަމަވެސް އެ ހުރިހާ ކަމަކަށް
ޔުމްނު ”ވެއްޓުނު“ ހާދިސާގައި ބޮޑުބޭބެ ކިޔާ ދެ މީހަކު ބައިވެރިވި ކަމަކަށް
ރައުދުގެ ބަންދަށް އިތުރު 20 ދުވަސް ޖަހައިފި