ބޯހިޔާވަހިކަމުގެ މައްސަލަ ހައްލުކުރުމަށް ސަރުކާރުން ތަރައްޤީކުރަން ނިންމާފައިވާ ރަސްމާލޭގެ ބޮޑު ބައެއް މިއަހަރުގެ ނިޔަލަށް ހިއްކާ ނިމޭނެކަމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވިދާޅުވެއްޖެެއެވެ.
ފުށިދިއްގަރު ފަޅު ހިއްކައިގެން ކުރިއަށްގެންދިއުމަށް ނިންމާފައިވާ ރަސްމާލެ މަޝްރޫއަކީ ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުގެ ރިޔާސީ ވައުދުފުޅުތަކުގެ ތެރެއިން އެންމެ މުހިއްމު އެއް ވައުދެވެ.
މިދިޔަ އަހަރުގެ ޑިސެންބަރު މަހުގެ 18 ވަނަ ދުވަހު ފެށި ރަސްމާލެ މަޝްރޫޢަކީ މާލެ ތޮއްޖެހުމާއި ގެދޮރުވެރިކަމުގެ މައްސަލަތަކަށް ހައްލު ހޯދާދެއްވުމަށް ސަރުކާރުން ފެއްޓެވި ބިޔަ މަޝްރޫޢެކެވެ. ނަމަވެސް މިދިޔަ މެއިމަހުން ފެށިގެން ސަރުކާރުން ވަނީ ރަސްމާލެ ހިމެނޭގޮތަށް ބައެއް މަޝްރޫޢުތަކުގެ މަސައްކަތް ކުރިޔަށް ގެންދިޔުން ހުއްޓާލާފައެވެ.
ޕީއެންސީ ހައުސް ހުޅުވުމަށް ބޭއްވި ރަސްމިއްޔާތުގައި ވާހަކަފުޅުދައްކަވަމުން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުު ވިދާޅުވީ ރަސްމާލޭގެ ބިން ހިއްކުމުގެ މަސައްކަތް އަންނަ މަހުގެ ތެރޭގައި އަލުން ފެށޭނެ ކަމަށެވެ. އެގޮތުން އަންނަ މަހު އެމަޝްރޫއު ފަށައި މިއަހަރު ޑިސެމްބަރުގެ ނިޔަލަށް 1100 ހެކްޓަރުގެ ބިން ހިއްކައި ނިންމާލުމަށް މަސައްކަތް ކުރަމުންދާކަމަށްވެސް ރައީސުލްޖުމްހޫރިއްޔާ ވިދާޅުވިއެވެ. އަދި ސަރުކާރުން ޕްލޭން ކޮށްފައިވާގޮތަށް ރަސްމާލެ މަޝްރޫއު ކުރިއަށްދާނެކަމުގެ ޔަގީންކަން ދެއްވާކަމަށްވެސް ރައީސުލްޖުމްހޫރިއްޔާ ވިދާޅުވިއެވެ.
”މިއަހަރުގެ ޑިސެމްބަރުމަސް ނިމެންވާ އިރަށް އަޅުގަނޑުމެންގެ އަމާޒަކީ، ހަމަ ފުރަތަމަ ވެސް ޕްލޭންކުރި ގޮތަށް، އެތަނުގެ އެއްހާސް އެއްސަތޭކަ ހެކްޓަރުގެ ބިން ހިއްކައި ނިންމުން، އިރާދަކުރެއްވިއްޔާ އެކަން ހާސިލުކުރާނަން،“ ރައީސް ވިދާޅުވި އެވެ.
ރައީސުލްޖުމްހޫރިއްޔާ ވިދާޅުވީ ގެދޮރު ވެރިކަމުގެ މައްސަލަ ހަައްލު ކުރުމަށްޓަކައި ރަސްމާލޭގެ އިތުރުން ގުޅިފަޅާއި ގިރާވަރު ފަޅު އަދި ހުޅުމާލޭގެ ފޭސް ތިނެއް ހިއްކުުމުގެ މަސައްކަތް ވެސް ސަރުކާރުގެ ޕްލޭނާއެއްގޮތަށް ކުރިއަށްދާނެކަމަށެވެ.

6 Comments
ގުޅުންހުރި
ރަސްމާލެ ބިން ހިއްކަން ފައިސާ ދޭ ބަޔަކަށް ބަދަލުގައި ރަށެއް/ ފަޅެއް
ރައީސް ވިދާޅުވީ މި އަހަރު ރަސްމާލެ ހިއްކާ ނިންމާނެ ކަމަށް
ރަސްމާލެ ހިއްކުން ލަސްވީ ވާރުތަވި އިގުތިސާދާ ހެދި، ދުވެލި ތިންގުނަ އަވަސް
މެނިފެސްޓޯގައި ހުރި ކަންކަން ކުރުމުން މަސްވެރިކަމުގެ ސިނާއަތް ކުރިއަށްދާނެ: ބީކޭއެމްޔޫ
އައި.އޭ.އީ.އޭ ގައި ރާއްޖެއިން ބައިވެރިވުމަށް ރައީސުލްޖުމްހޫރިއްޔާ ނިންމަވައިފި
ފަލަސްތީނަށް މިއަދު އެހީތެރި ނުވެއްޖެ ނަމަ ދެން ދައްކާނެ ވާހަކައެއް ނޯންނާނެ: