މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް)ގެ މެނޭޖިން ޑިރެކްޓަރު އިބްރާހީމް ޝަރީފު ދުއްވަން ހާއްސަކޮށްފައި އޮންނަ ކާރު ވަގަށް ނެގި މައްސަލައިގައި ދެ މީހެއްގެ މައްޗަށް ދައުލަތުން ދައުވާކޮށްފި އެވެ.
އެ މައްސަލައިގައި ދައުވާ ކޮށްފައިވަނީ އެމްއޭސީއެލްގެ ދެ މުވައްޒަފުން ކަމަށްވާ މ. ސީނީއަސުރުމާގެ/ މުހައްމަދު ހައިޝަމް އާއި މ. މޮޑަންކޮމެޓް/ އަހުމަދު ނިޒާމުގެ މައްޗަށެވެ.
ޕްރޮސިކިއުޓާ ޖެނެރަލްގެ އޮފީހުން މިއަދު ބުނީ، އެ މީހުންގެ މައްޗަށް ދައުވާ ކުރަނީ އެމްއޭސީއެލްގެ އެމްޑީ ދުއްވަން ހާއްސަކޮށްފައިވާ 34560 އެމެރިކާ ޑޮލަރު (532،915ރ.)ގެ ކާރު ވެލާނާ އިންޓަނޭޝަނަލް އެއާޕޯޓްގެ ޓްރާންސްޕޯޓް އެންޑް ފެރީ ސާވިސް ބިލްޑިންގައި ޕާކުކޮށްފައި އޮއްވައި މިދިޔަ އޭޕްރީލް މަހުގެ 29 ވަނަ ދުވަހު ވަގަށް ނަގައިގެން ގޮސްގެން، އެ ވޭންގެ އިންޖީނު ނަންބަރާއި ޗެސިސް ނަންބަރު ކަހާލައި، އެ އުޅަނދުގެ އަސްލު އޮޅުވާލަން މަސައްކަތް ކޮށްފައިވާތީ ކަމަށެވެ.
މި މައްސަލައިގައި ނިޒާމުގެ މައްޗަށް ތިން ދައުވާއެއް ކޮށްފައިވެ އެވެ. އެއީ:
- އެހެން މީހެއްގެ މުދަލެއްގެ މައްޗަށް ހުއްދަނޫން ގޮތެއްގައި ބާރު ހިންގުމުގެ ދައުވާ
- އެއްވެސް މީހަކަށް އޮޅުވާލުމުގެ ނިޔަތުގައި އެއްޗަކަށް ބަދަލު ގެނައުމުގެ ދައުވާ
- މުދަލަށް ގެއްލުންދިނުމުގެ ދައުވާ
މި ތިން ދައުވާ ނިޒާމުގެ މައްޗަށް ސާބިތުވެއްޖެ ނަމަ އޭނާގެ މައްޗަށް 4 އަހަރާއި 9 މަހާއި 18 ދުވަހުގެ ޖަލު ހުކުމެއް އަންނާނެ އެވެ
ހިޝާމްގެ މައްޗަށް ކުރަނީ އެހެން މީހެއްގެ މުދަލެއްގެ މައްޗަށް ހުއްދަނޫން ގޮތެއްގައި ބާރު ހިންގުމުގެ ދައުވާ އެކަންޏެވެ. އެ ދައުވާގެ އަދަބަކީ 3 އަހަރާއި 2 މަހާއި 12 ދުވަހަށް ޖަލަށް ލުމެވެ
ގުޅުންހުރި
ގެއަކުން ވަގަށް ނެގި ދެމިލިއަން ރުފިޔާގެ ސާމާނު ހޯދައި ވެރިފަރާތާއި ހަވާލުކޮށްފި
ވައްކަން ކޮށްގެން ގޭބަންދުގައި ހުރި މީހަކު ވައްކަމުގެ މައްސަލައެއްގައި ހައްޔަރުކޮށްފި
އެޗްޑީސީގެ އޮފީހުން ވަގަށް ނެގި ލެޕްޓޮޕްތައް ހޯދައިފި
ފޯނެއް ވަގަށް ނެގުމަށްފަހު ވެރިފަރާތަށް ގުޅައި ފައިސާއަށް ޑިމާންޑުކުރި މީހަކު ހައްޔަރުކޮށްފި
ވައްކަންކުރަނިކޮށް ފުލުހުން އައުމުން އަލަމާރި ތެރެއަށްވަދެ ފިލައިފި
ލަމްހާ، ގައިދީންތަކަކާ މާރަމާރީ ހިންގައި މަރުގެ އިންޒާރު ދިން މައްސަލައެއް ބަލަނީ