ކްރިމިނަލް ކޯޓުގައި މި ވަގުތު ދޭވާނީއެއް ނެތުމުގެ ސަބަބުން ހައްދު ނުޖަހާތާ ދުވަސްތަކެއް ވެފައިވާ ކަމަށް ޕްރޮސިކިއުޓާ ޖެނަރަލްގެ ހުސައިން ޝަމީމް މިއަދު ވިދާޅުވެއްޖެ އެވެ.
ހައްދު ޖެހުމަކީ ކަރެކްޝަނަލް ސާވިސްގެ ޒިންމާގެ ދަށުން ކުރާ ކަމެކެވެ. ނަމަވެސް ހައްދު ޖެހުމުގެ ކަންކަން ތަންފީޒު ކުރަން ދޭވާނީއެއް ހޯދަން ކްރިމިނަލް ކޯޓުން މިދިޔަ މަހުގެ 26 ގައި ވަނީ އިއުލާންކޮށްފަ އެވެ. އެ އިއުލާނުގެ މުއްދަތު މާދަމާ އަށް ހަމަވާނެ އެވެ.
ރައްޔިތުންގެ މަޖިލީހުގެ ޖުޑިޝަރީ ކޮމިޓީގައި ޕްރޮސިކިއުޓާ ޖެނަރަލް ޝަމީމް މިއަދު ވިދާޅުވީ ހައްދުގެ ހުކުމެއް ކުރި ނަމަވެސް، ކްރިމިނަލް ކޯޓުގައި ހައްދު ޖަހާނެ މީހަކު ނެތުމުގެ ސަބަބުން އެކަން ތަންފީޒު ނުކުރާތާ ދުވަސްކޮޅެއް ވެއްޖެ ކަމަށެވެ.
ނަމަވެސް އެ މަގާމު ހުސްވެފައިވަނީ ސީދާ ކޮން ދުވަހަކު ކަމެއް އަދި އެކަމާ ހެދި ތަންފީޒު ނުވެ އޮތީ ކިހާ ހައްދުގެ ހުކުމެއް ކަމެއް ޝަމީމު ވިދާޅެއް ނުވެ އެވެ.
ހައްދުގެ ހުކުމް ތަންފީޒު ކުރާނީ އިސްތިއުނާފީ ހުރިހާ މަރުހަލާއެއް ނިމުމުން ނުވަތަ އިސްތިއުފާނު ނުކުރާ ނަމަ އެއީ ނިހާއީ ހުކުމެއް ކަން ދައުލަތުން ކަށަވަރު ކުރުމަށް ފަހު އެވެ.
ގުޅުންހުރި
ހޯރަފުށީ ކައުންސިލުގެ ރައީސް ތިން މަސް ދުވަހަށް ސަސްޕެންޑުކޮށްފި
އަޅުގަނޑަކީ މީހެއްގެ ނުފޫޒެއްގައި ޖެހޭނެ މީހެއް ނޫން: ގަޕޯ
އެމްޑީޕީގެ ވަގުތީ ޗެއާޕާސަންކަމަށް ގަޕޯ އިންތިހާބުކޮށްފި
ވިލިމާލެ ޕޮލިހުން ސިނގިރޭޓު ކާޓޫންތައް ގެއްލުނު މައްސަލައިގައި ފުލުހަކު ހައްޔަރުކޮށްފި
ބޭރު ފައިސާއިން ސާވިސް ޗާޖު ދޭންޖެހޭ ގޮތް ހަދަން އިސްލާހެއް ހުށަހަޅަނީ
އެޗްޑީސީގެ ލިޔުންތަކެއް ނައްތާލި ކަމަށް ބުނާ މައްސަލަ: ހެއްކެއް ނުހޯދުނު، ފަޒުލްގެ