ކައިވެނީގެ ނަމުގައި 13 އަހަރުގެ ކުއްޖަކު ރޭޕްކޮށް، ވިހެއި މައްސަލައިގައި ހައްޔަރުކޮށްފައިވާ އިސްމާއިލް ހައްމާދުގެ މައްޗަށް 14 އަހަރުގެ ޖަލު ހުކުމެއް ކްރިމިނަލް ކޯޓުން މިއަދު ކޮށްފި އެވެ.
ރ. މަޑުއްވަރީގައި 13 އަހަރުގެ އަންހެން ކުއްޖަކާ ކޯޓުން ބޭރުގައި ކައިވެނީގެ ނަމުގައި ގުޅި އަދި ޖިންސީ ގުޅުން ހިންގުމަށްފަހު އެ ކުއްޖާ ނޮވެމްބަރު 2018 ގައި ވިހެއި މައްސަލަ ފެންމަތިވީ ދީނީ ހިޔާލު ތަފާތުވުންތަކެއްގައި ހައްމާދަށް ބަޔަކު ހަމަލާ ދިން މައްސަލައެއްގެ ތަހުގީގުގެ ތެރެއިން 2019 ވަނަ އަހަރުގެ ފަހުކޮޅުގަ އެވެ.
ތޫނު އެއްޗެއް ބޭނުން ކޮށްގެން ހައްމާދުގެ ކަރަށް ހަމަލާދީފައިވަނީ އޭނާ އާއެކު އެއް ދޯންޏަކުން ދަތުރުކުރަމުން ދިޔަ ބައެކެވެ. ފުލުހުންގެ ސަމާލުކަމަށް އެ މައްސަލަ އައީ ހަމަލާދިނުމުން ދޯނިން މޫދަށް ފުންމާލައިގެން ހައްމާދު ރަށަކަށް އެރުމުން، އެ ރަށުން އެ މައްސަލަ ރިޕޯޓް ކުރުމުންނެވެ.
ހައްމާދަށް ލިބުނު އަނިޔާތަކަށް ފަރުވާ ދިނުމަށް ފަހު އޭނާ ހޮސްޕިޓަލުން ދޫކޮށްލުމާ އެކު ހައްޔަރުކުރި އެވެ. އަދި 25 ޑިސެމްބަރު 2019 ގައި ހައްމާދުގެ މައްޗަށް ދައުލަތުން ދައުވާކުރި އެވެ.
ކްރިމިނަލް ކޯޓުން މިއަދު ވަނީ އެ މައްސަލައިގެ ރައުޔު އިއްވައިފަ އެވެ. ރައުޔުގައި ބުނެފައިވަނީ ކުޑަކުއްޖެއްގެ ހަށިގަނޑުގައި ޖިންސީ ނިޔަތެއް އޮވެގެން ގަސްދުގައި އަތްލުމުގެ ކުށުގެ ދައުވާ ހައްމާދުގެ މައްޗަށް ސާބިތުވާ ކަމަށެވެ.
އެހެންވެ ހައްމާދު 14 އަހަރަށް ޖަލަށްލުމަށް ހުކުމްކުރާ ކަމަށް ހުކުމުގައި ބުންޏެވެ. ނަމަވެސް ހައްމާދު ބަންދުގައި ހޭދަކޮށްފައިވާ މުއްދަތު އުނިކުރުމަށްފަހު ތަންފީޒު ކުރަންޖެހޭނެ ޖަލު އަދަބަކީ 9 އަހަރާއި 4 މަހާއި 15 ދުވަސް ކަމަށް ހުކުމުގައި ބުނެފައިވެ އެވެ.
ގުޅުންހުރި
ނުކުޅެދުންތެރި ކުއްޖަކަށް ޖިންސީ ގޯނާކުރި 57 އަހަރުގެ މީހަކު ހައްޔަރުކޮށްފި
ސައިކަލެއްގެ މަޑިދަށުން 400،00 ރުފިޔާ ވަގަށް ނެގި މައްސަލައެއްގައި ބިދޭސީއަކު ހައްޔަރިކޮށްފި
މާލޭގެ 5 ތަނެއްގައި ބޮން ގޮއްވަން އުޅުނު މައްސަލަ: ވަކީލު ކޯޓަށް
ކުޑަކުއްޖަކާއެކު ޖިންސީ އަމަލެއް ހިންގި މީހަކު 12 އަހަރަށް ޖަލަށް ލައިފި
ގިނައިން ރާއްޖެއަށް އަންނަ އިންޑިއާ މީހަކު މަނީ ލޯންޑަރިންގެ ތުހުމަތުގައި ހައްޔަރުކޮށްފި
ކާރު އެކްސިޑެންޓް: ވަކީލެއްގެ ފުރުސަތު ނުދިނުމުން ކާރު ދުއްވި މީހާ މިނިވަންވެއްޖެ