ފުލުހުން ހައްޔަރު ކުރަން އުޅުނު މީހަކަށް އަނިޔާވެ ފަރުވާ ދެނީ، ހާލު ސީރިއަސް

ފުލުހުން ހައްޔަރުކުރަން އުޅުނު މީހަކަށް އަނިޔާވެ އައިޖީއެމްއެޗްގައި ފަރުވާ ދޭން ފަށައިފި އެވެ.

ފުލުހުން ބުނީ އެ މީހާއަކީ ޑްރަގް ކޯޓު އަމުރެއްގެ ދަށުން މާދަމާ އެ ކޯޓަށް ހާޒިރުކުރުމަށް ފުލުހުންގެ ބެލުމުގެ ދަށަށް ގެނައި 38 އަހަރުގެ ފިރިހެނެއް ކަމަށެވެ.

އެ މައްސަލައިގައި ފުލުހުން އަމަލުކުރި ގޮތާމެދު އާއިލާގެ ސީރިއަސް ކަންބޮޑުވުންތަކެއް ހުރި ކަމަށް އާއިލާ އިން ހިއްސާކޮށްފައިވާތީ އެކަން ބެލުމަށް، ފުލުހުންގެ ޕްރޮފެޝަނަލް ސްޓެންޑާޑްސް ކޮމާންޑް، ނެޝަނަލް އިންޓެގްރިޓީ ކޮމިޝަން އަދި ހިއުމަން ރައިޓްސް ކޮމިޝަންގައި އެދިފައިވާނެ ވާހަކަ ކަމަށްވެސް ފުލުހުން ބުންޏެވެ.

މައުލޫމާތު ލިބިފައިވާ ގޮތުގައި އަނިޔާވި މީހާގެ ހާލު ސީރިއަސް އެވެ. އެކަން ފުލުހުންގެ އޮފިޝަލަކުވެސް މި ނޫހަށް ވަނީ ޔަގީންކޮށްދީފަ އެވެ. އަދި އެ މައްސަލައިގައި ފުލުހުންގެ އިސްވެރިންތަކެއް އެ މީހާގެ އާއިލާއާ ވާހަކަދެއްކުމަށް އައިޖީއެމްއެޗަށް ދިޔަކަންވެސް އެނގިފައިވެ އެވެ.