ރާއްޖޭގައި ހުންނަ ބޭރު ގައުމުތަކުގެ ޑިޕްލޮމެޓިކް މިޝަންތަކާއި އެމްބަސީތައް ކައިރިއަށް ގޮސް އިޒްރޭލުން ފަލަސްތީނާ ދެކޮޅަށް ހިންގަމުންދާ ގަތުލުއާންމާ ދެކޮޅަށް މެދުކެނޑުމެއް ނެތި އިހުތިޖާޖުކޮށް އަޑު އުފުލަމުންދިޔަ އާއިޝަތު ޝާދިޔާ އާއި ޑރ. ޝަޒުރާ އިބްރާހިމް ފުލުހުން މިއަދު ހައްޔަރުކޮށްފި އެވެ.
އޭގެ ތެރެއިން ޝާދިޔާއަކީ ޝައިހް ޑރ. މުހައްމަދު އިޔާޒްގެ އަނބިކަނބަލުންނެވެ.
ފުލުހުން މިރޭ ނެރުނު ނޫސްބަޔާނެއްގައި ބުނީ ސުލްހަވެރި ކަމާއެކު އެއްވެއުޅުމުގެ މިނިވަންކަމުގެ ގާނޫނާ ހިލާފުވެފައިވާތީ ކޯޓު އަމުރެއްގެ ދަށުން އެ ދެ މީހުން ހައްޔަރުކުރީ މިޝަންތަކުގެ ކައިރިއަށް އެއްވެ އަޑުގަދަކުރާ ބޭނުންކޮށްގެން ހަޅޭލަވައި ބޭއަދަބީ ބަހުން މުއާމަލާތް ކޮށްފައިވާތީ ކަމަށެވެ.
އަދި ޑިޕްލޮމެޓިކް މިޝަންތަކުގެ މަސައްކަތްތަކަށް ހުރަސް އަޅައި، ވަކި ސަފީރަކަށް އުނދަގޫ ކުރުމުގެ އަމަލުތަކެއް އެ ދެ މީހުން ހިންގާފައިވާ ކަމަށްވެސް ފުލުހުން ބުންޏެވެ.
ނަމަވެސް, ފުލުހުން އެ ދެ އަންހެނުން އުނދަގޫކުރީ ކޮން ސަފީރަކަށް ކަމެއް އަދި ކޮން ޑިޕްލޮމެޓިކް މިޝަންތަކަކަށް ކަމެއް ހާމަކޮށްފައެއް ނުވެ އެވެ.
ފުލުހުން އިތުރަށް ބުނީ، އެ ދެ މީހުން ފުލުހުންގެ ވާޖިބު އަދާކުރުމަށްވެސް ހުރަސް އަޅާފައިވާ ކަމަށެވެ. އަދި މި އަމަލުތަކާ ގުޅިގެން އެ ދެ އަންހެނުންނަށް އެގޮތަށް އަމަލު ނުކުރުމަށް އެކި ފަހަރު މަތިން ނަސޭހަތްދީފައިވާނެ ކަމަށް ވެސް ބުންޏެވެ.
ފުލުހުންގެ ބަޔާނުގައި ވަނީ، ގާނޫނުއަސާސީން ކަށަވަރުކޮށްދީފައިވާ އެއްވެއުޅުމުގެ މިނިވަންކަމުގެ ހައްގު ބޭނުން ކުރުމުގައި، ސުލްހަވެރި ކަމާއެކު އެއްވެސް އުޅުމުގެ މިނިވަންކަމުގެ ގާނޫނަށް ހުރުމަތްތެރިކޮށް ހިތުމަށް ހުރިހާ މީހުންނަށް އިލްތިމާސްކޮށްފަ އެވެ.
ގުޅުންހުރި
ވިލިމާލޭގައި މޫދަށް އެރިއުޅެނިކޮށް އޮޔާ ދަމައިގަތް ދިވެއްސަކު ސަލާމަތްކޮށްފި
ސައުތު ކޭޓަރިންގެ މުވައްޒަފުންނަށް މުސާރަ ނުދޭ މައްސަލަ ފުލުހުން ބަލަނީ
ކަސްޓަމްސް އޮފިސަރުންތަކެއްގެ އެކައުންޓުތަކުން 400 މިލިއަން ރުފިޔާ ދައުރުކުރި މައްސަލައެއް
އަތުހަރުގެ މަރާ ގުޅިގެން ދެ ފުލުހަކަށް ދައުވާކޮށްދޭން އެދިއްޖެ
ފުލުހުންގެ ކާރަކުން ޖެހި ސައިކަލެއް އެކްސިޑެންޓްވި މަންޒަރު ދުށް ބަޔަކު ހޯދަނީ
ފެން ހިނދި އާއްމު ހާލަތަށް ބަދަލުވަންދެން ބަރު އުޅަނދު ނުދުއްވަން އެދިއްޖެ