ގާނޫނާ ހިލާފަށް ސަރުކާރުގެ ވަޒީފާތަކުން ވަކިކުރާ ފަރާތްތަކަށް ގާނޫނީ އެހީތެރިކަން ފޯރުކޮށް ދޭން އިދިކޮޅު އެމްޑީޕީން ނިންމައިފި އެވެ.
އެމްޑީޕީ އިން މިއަދު ނެރުނު ބަޔާނެއްގައި ވަނީ ސަރުކާރުގެ ކުންފުނިތަކާއި ސިވިލް ސާވިސްގައި ވަޒީފާ އަދާކުރާ މުވައްޒަފުންގެ ތެރެއިން ސަރުކާރަށް ނުވަތަ ރައީސް ޑރ. މުހައްމަދު މުއިއްޒަށް ތާއީދުނުކުރާ މުވައްޒަފުންނަށް ސިޔާސީ ގޮތުން ބިރު ދައްކައި، ސިޔާސީ ސަބަބުތަކަށްޓަކައި ވަޒީފާތަކުން ވަކިކުރަމުންދާ ކަމަށެވެ. އެހެންކަމުން އެކަމުގައި އެ ފަރާތްތަކުން އަޅަންޖެހޭ ގާނޫނީ ފިޔަވަޅުތައް އެޅުމުގައި އެ މުވައްޒަފުންނަށް އެހީތެރިވުމަށް އެމްޑީޕީން ނިންމާފައިވާ ކަމަށް ބުންޏެވެ.
ގާނޫނީ އެހީތެރިކަން ބޭނުންވާ ފަރާތްތަކުން ވަޒީފާއާ ގުޅޭ އެންމެހާ މައުލޫމާތު ފޮނުވަން ޖެހެނީ އެ އެމްޑީޕީގެ ހެލްޕްލައިން އީމެއިލް helpline@mdp.org.mv ނުވަތަ ވައިބާ ނަންބަރު 7341637 އަށެވެ.
އެމްޑީޕީ އިން ތުހުމަތުކުރާ ގޮތުގައި ސަރުކާރަށް ތާއީދު ނުކުރާ ފަރާތްތައް ގާނޫނާ ހިލާފަށް ވަކިކުރުމުގެ އިތުރުން ކުންފުނިތަކުގެ ވަޒީފާތަކުގައި ތިބި މުވައްޒަފުންގެ ތެރެއިން ގިނަ އަދަދެއްގެ ބަޔަކު އެއްފަހަރާ ވަޒީފާއިން ވަކިކޮށް، ބޮޑެތި މުސާރަ ލިބޭ ސިޔާސީ މަގާމުތަކަށް އަދިވެސް މީހުން ދަނީ އައްޔަން ކުރަމުންނެވެ.

ގުޅުންހުރި
ކައުންސިލު އިންތިހާބުގައި އެމްޑީޕީގެ ޓިކެޓުގެ ބޮޑު ޕަސަންޓެއް ޒުވާނުންނަށް
ހަ މަސްތެރޭ ޕީއެންސީން 300 މެންބަރުން ވަކިވި!
އެމްޑީޕީގެ ރިޔާސީ ޕްރައިމަރީގައި ވާދަކުރާނަން: ފައްޔާޒު
އިރާން-އިޒްރޭލް ހަނގުރާމައަށްވުރެ ބޮޑު ގެއްލުމެއް ލިބޭނީ އެމްޑީޕީގެ ސަބަބުން: ފަލާހު
އެމްޑީޕީއަށް 5 ފަނި ވާނީ ފޮނުވާފައި، ލޯކަލް އިންތިހާބު އެމްޑީޕީއަށް ގެއްލުވާލާނަން:
ސާޖިދާ އެދުނީ ޝަރީއަތް ލައިވްކުރަން، ކޯޓުން ނިންމީ ލައިވް ނުކުރަން