އިރާނުން ޔަހޫދީ އިޒްރޭލާ ދެކޮޅަށް މިސައިލް ހަމަލާތަކެއް ދޭން ފަށައިފި އެވެ.
އިޒްރޭލުން ވެރިވެގަނެފައިވާ ރާމަލަالله ގައި ހުރި އަލް ޖަޒީރާގެ ނޫސްވެރިއަކު ބުނީ, އެތައް ސަތޭކަ މިސައިލެއް އިޒްރޭލާއި ގުދުސާ ދިމާލަށް ދަތުރުކުރަމުންދާ ކަމަށެވެ.
”އިޒްރޭލާ ދިމާލަށް މިސައިލްތައް ދަނީ ހުއްޓުމެއް ނެތި. ސައިރެންގެ އަޑު އަދިވެސް ނުކެނޑޭ. އިޒްރޭލުގެ ބޮޑު ސަރަހައްދަކުން ސައިރަންގެ އަޑު އެބަ އިވޭ,“ ނޫސްވެރިޔާ ރިޕޯޓް ކޮށްފައިވެ އެވެ.
އިތުރު ރިޕޯޓްތައް ބުނާ ގޮތުން އިރާނުން ވަނީ މިސައިލް ހަމަލާގެ ދެވަނަ ރާޅެއްވެސް އިޒްރޭލަށް ފޮނުވާލައިފަ އެވެ. މި ފަހަރު މިސައިލްތައް ފޮނުވާލާފައިވަނީ ތިރި ތިރިން ކަމަށްވެސް ރިޕޯޓްތައް ބުނެ އެވެ.
ހަމަލާތަކާ ގުޅިގެން އިރާންގެ އިސްލާމިކް ރެވެލޫޝަނަރީ ގާޑް ކޯޕުން ވަރަށް އަވަހަށް ބަޔާނެއް ނެރޭނެ ކަމަށް އިރާނުގެ ގައުމީ މީޑިއާ އިން ވަނީ ރިޕޯޓްކޮށްފަ އެވެ.
ހަމަލާތަކާ ގުޅިގެން އިޒްރޭލުގެ އަސްކަރިއްޔާ އިން ބުނީ، އެ ގައުމުގެ ދިފާއީ ނިޒާމު ފުރިހަމައަށް އޮޕަރޭޓް ކުރަމުން އަންނަ ކަމަށާއި އަންނަ ހުރިހާ ނުރައްކަލެއް ދެނެގަނެ، ނައްތާލަމުން އަންނަ ކަމަށެވެ.

ގުޅުންހުރި
މީޑިއާ ބިލު ފާސްކުރަން އުޅެނީ އާދަޔާހިލާފަށް އަވަހަށް، ކަންބޮޑުވޭ: ކުރީގެ ޕީޖީ
އިޒްރޭލަށް ކުޅިވަރު މުބާރާތްތަކުގައި ބައިވެރި ނުވެވޭ ގޮތް ހަދަންޖެހޭ: ސްޕެއިން
ގަތަރަށް ކުރެއްވި ދަތުރުފުޅަށްފަހު ރައީސް މާލެ ވަޑައިގެންފި
ކުޅުދުއްފުށީގައި ޔަމަހާ ސާވިސް ސެންޓަރެއް ހަދަން އެމްޕީއެލް އާއި އެލިއާ އެއްބަސްވުމަކަށް
އެޑިޓަރުންގެ ޖަމިއްޔާ ވަނީ ޕެރެލައިޒް ވެފައި، އެ ޖަމިއްޔާ އިން ހިރިގާ
ގަވާއިދާ ހިލާފަށް އުޅެމުންދިޔަ 11 ބިދޭސީއަކު އަތުލައިގެންފި