ރާއްޖެއާއި ޖަޕާނާ ދެމެދު އޮތް ޒަމާންވީ ގާތްގުޅުން އިތުރަށް ވަރުގަދަކުރަން ބޭނުންވާ ކަމަށް ޖަޕާނުގެ ބޮޑުވަޒީރު ޝިގެރޫ އިޝިބާ ވިދާޅުވެއްޖެ އެވެ.
ޖަޕާނުގެ ބޮޑުވަޒީރު ޝިގެރޫ އިޝިބާ ހަވާލުވެވަޑައިގެންފައިވަނީ މިމަހުގެ އެއްވަނަ ދުވަހުއެވެ.
ޝިގެރޫ އިޝިބާއަށް މަރުހަބާ ދަންނަވައި ރައީސް ޑރ. މުހައްމަދު މުއިއްޒު އެކްސްގައި ކުރެއްވި ޕޯސްޓެއް، ކުއޯޓް ކުރައްވައި ޝިގެރޫ އިޝިބީ ވިދާޅުވީ ރާއްޖެއާއި ޖަޕާނާ ދެމެދު އޮތް ޒަމާންވީ ރަހުމަތްތެރިކަމުގެ ގުޅުން އިތުރަށް ބަދަހިކުރުމަށް ދިވެހި ސަރުކާރާ އެކު މަސައްކަތް ކުރައްވަން އުއްމީދުކުރައްވާ ކަމަށެވެ.
ޖަޕާނަކީ ރާއްޖެއަށް ވަރަށް ބޮޑަށް އެހީތެރިކަން ފޯރުކޮށްދޭ ގައުމެކެވެ. މާލެ ވަށައި ޖަހައިފައިވާ ބޮޑު ހިލައަކީ ޖަޕާން ސަރުކާރުން ކުރިއަށް ގެންދިޔަ މަޝްރޫއުކެވެ. މީގެ އިތުރުން ޖަޕާނުން ކޮންމެ އަހަރަކު ރާއްޖެއަށް ސްކޮލާޝިޕްގެ ފުރުސަތު ދެ އެވެ.
އަދި ރާއްޖޭގެ މުއައްސަސާތަކަށް ބޭނުންވާ ވަސީލަތްތައް ވެސް ޖަޕާން ސަރުކާރުން ކޮންމެ އަހަރަކު ފޯރުކޮށްދެ އެވެ.

2 Comments
ގުޅުންހުރި
ޓްރަމްޕް ޑިއުޓީ ބޮޑުކުރި ތަންތަނުގެ ތެރޭގައި ފަޅު ރަށްތަކެއް، އެތާ އުޅެނީ
ސިޓީ ދޫކޮށްލަން ޑި ބްރޭނާ ނިންމައިފި
ދަރިފުޅަށް އަހަރެއް ވަންދެން އަނިޔާދީ މަރާލުމަށްފަހު ހަށިގަނޑު އަންދާލި މަންމަ ޖަލަށް
އިލްމު އުނގެނޭށެވެ. އެހެނީ މަރުވުމަށްފަހުވެސް އުނގެނި، އަނެކާއަށް ފޯރުކޮށްދިން އިލްމުގެ ފައިދާ
”ބައްޕާއޭ، ދޮންބެގެ އަތުން ދޫވީއޭ، ސަލާމަތްކުރަން ވަރަށް މަސައްކަތް ކުރީމޭ“
ތިލަމާލެ ބްރިޖްގައި ދުނިޔޭގެ އެންމެ އުސް ޕްރީކާސްޓް ސެގްމަންޓް ބަހައްޓައިފި