ގްރީން ޓެކްސް ނަގާ އަދަދު ދެގުނަ ބޮޑުކުރަން ނިންމައި ޓޫރިޒަމް ގާނޫނު އިސްލާހު ކުރަން ރައްޔިތުންގެ މަޖިލީހަށް ފޮނުވައިފި އެވެ.
މިހާރު 50 އަށް ވުރެ ގިނަ ކޮޓަރި ހިމެނޭ ރިސޯޓުތަކާއި ހޮޓާތަކާއި ޓޫރިސްޓް އުޅަނދުތަކާއި މީހުން ދިރިއުޅޭ ރަށްތަކުގައި ހިންގާ ހޮޓާތަކާއި ގެސްޓްހައުސްތަކުން ގްރީން ޓެކްސްގެ ގޮތުގައި ދައްކަން ޖެހެނީ ބޮލަކަށް ހަ ޑޮލަރެވެ. އެއަށް ވުރެ މަދު ކޮޓަރި ހުންނަ ތަންތަނުން ދައްކަން ޖެހެނީ ތިން ޑޮލަރެވެ.
ސަރުކާރުން ހުށަހެޅި އިސްލާހުގައި ބުނާ ގޮތުން އަންނަ އަހަރުން ފެށިގެން 50 އަށް ވުރެ ގިނަ ކޮޓަރި ހިމެނޭ ތަންތަނުން ގްރީން ޓެކްސްގެ ގޮތުގައި ދައްކަން ޖެހޭނީ 12 ޑޮލަރެވެ. އެއަށް ވުރެ މަދު ކޮޓަރި ހުންނަ ތަންތަނުން ދައްކަން ޖެހެނީ ހަ ޑޮލަރެވެ.
ގްރީން ޓެކްސްގެ އިތުރުން ޓީޖީއެސްޓީ އާއި އެއާޕޯޓް ޗާޖު ބޮޑު ކުރުމަށްވެސް ސަރުކާރުން ވަނީ މަޖިލީހަށް ފޮނުވައިފަ އެވެ.
ފިނޭންސް މިނިސްޓްރީން އަންދާޒާ ކުރާ ގޮތުގައި ގްރީން ޓެކްސް 100 ޕަސެންޓަށް ބޮޑުކޮށްގެން، އަހަރެއްގެ ތެރޭގައި 964 މިލިއަން ރުފިޔާ ލިބޭނެ އެވެ.
ގުޅުންހުރި
އައިކޮމްގެ އަޑުއެހުމަށް ހާޒިރުނުވުމުން ހައުސިން މިނިސްޓްރީ ޖޫރިމަނާކޮށްފި
މަނާކުރަންވީ ފަލަސްތީނުގައި ގަތުލުއާންމު ހިންގާ މީހުންގެ ޕާސްޕޯޓް އެކަނި: ނާޒިމް
މަޖިލީހުގެ ގާނޫނީ ހައިސިއްޔަތާ މެދު ސުވާލު އުފެދިއްޖެ، ކޯޓަށް ދާން މަޝްވަރާކުރާނަން:
އިޒްރޭލު ޕާސްޕޯޓް މަނާކުރާ ބިލާ ގުޅޭ ގަރާރު ބޭރުކުރީ އެމްޑީޕީގެ ހެޔޮނިޔަތް
ނުރަސްމީ ދަތުރުފުޅެއްގައި ރައީސްގެ ދެކަނބަލުން ޔޫކޭއަށް، ހުރިހާ ހަރަދެއް ކުރައްވާނީ އަމިއްލަފުޅަށް
މިއަދު އެ ފެނުނީ ޕީއެންސީގެ މެންބަރުން އަމިއްލަ މަސްލަހަތު ކުރިއަށް ނުނެރޭނެކަން: