ޔޫތް މިނިސްޓްރީގެ ކުރީގެ ޑެޕިއުޓީ މިނިސްޓަރު މަރިޔަމް ޝިއުނާއަށް ސަރުކާރުގެ އެންމެ ބޮޑު އެއް ކުންފުނި, މޯލްޑިވްސް އެއާޕޯޓްސް ލިމިޓެޑް (އެމްއޭސީއެލް) އިން ވަޒީފާއެއް ދީފި އެވެ.
ޝިއުނާއަކީ ރާއްޖެ އާއި އިންޑިއާއަށައި އެ ގައުމުގެ ބޮޑުވަޒީރު ނަރެންދުރަ މޯދީއަށް ފާޑުކިޔައި މަލާމާތްކޮށް ސޯޝަލް މީޑިއާގައި ވާހަކަތަކެއް ދެއްކި މައްސަލާއަކާ ގުޅިގެން މުސާރަ ލިބޭ ގޮތަށް ސަސްޕެންޑް ކުރި މީހެކެވެ. ސަސްޕެންޝަންގައި ހުރި އިރުވެސް އޭނާ އިންޑިއާއަށް ފުރައްސާރަކޮށް ހެދި އެވެ.
ނަމަވެސް އަށް މަސް ފަހުން އޭނާ ވަނީ މިދިޔަ ސެޕްޓެމްބަރު މަހު އިސްތިއުފާ ދީފަ އެވެ.
މި ނޫހަށް އެނގިފައިވާ ގޮތުގައި ޝިއުނާއަށް ދީފައިވަނީ އެމްއޭސީއެލްގެ މީޑިއާ ޑިޕާޓްމަންޓުގެ މަގާމެކެވެ. އެ މަގާމު ދީފައިވަނީ ނޯމަލް މުވައްޒަފެއްގެ ރޭންކުގައެވެ. މަގާމުގެ މުސާރަ ސީދާ ނޭންގުނު ނަމަވެސް ބައެއް މަސްދަރުތަކުގައި ބުނެފައިވާ ގޮތުން އެ މަގާމުގެ މުސާރައަކީ މަހަކު 40,000 ރުފިޔާ އެވެ.
ޝިއުނާއަށް އެމްއޭސީއެލް އިން ބޮޑު މުސާރަ ލިބޭ މަގާމެއް ދިން އިރު, މޯދީއަށް މަލާމާތްކުރުމުން ޝިއުނާ އާއެކު ސަސްޕެންޑް ކުރި މަލްޝާ ޝަރީފަށް ވަނީ ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ބޮޑު މުސާރައިގައި މަގާމެއް ދީފަ އެވެ.
137 Comments
ގުޅުންހުރި
ރަސްދޫގައި ފިހުނު އަންހެން މީހާ މަރުވެއްޖެ
ކޮފީފުޅި ވަގަށް ނެގި މީހަކު ހަތް ދުވަހަށް، ދަވާދު ދަޅެއް ވަގަށް
ފްލެޓް ލިސްޓަށް ޝަކުވާ ހުށަހަޅަން ސިޓީ ކައުންސިލުން އެހީވަނީ
މިއަދާއި މާދަމާ ވެސް ”އީދު ހަވީރު“ އޮންނާނެ
”އީދު ހަވީރު“ ހަރަކާތުގައި ރައީސް ދެކަނބަނލުން ބައިވެރިވެވަޑައިގެންފި
ގެއްލިގެން ހޯދަން އިއުލާނު ކުރި މީހަކު ޑްރަގް އެތެރެކުރަނިކޮށް ހައްޔަރުކޮށްފި