ރާއްޖެ އިން ވަގަށް ބޭރުކުރަން އުޅުނު 81،000 ޑޮލަރާއެކު އަތުލައިގަތް ބިދޭސީ މީހާއަށް 12،000 ރުފިޔާގެ ޖޫރިމަނާ ހުކުމެއް އިއްވައިފި އެވެ.
މި މައްސަލާގައި ހައްޔަރުކޮށްފައިވަނީ ބަންގްލަދޭޝްގެ ޝަހްމިން އިސްލާމް ޝަގުރު، 32އ. އެވެ. އޭނާ ހައްޔަރުކުރީ ރާއްޖެ އިން ބަންގްލަދޭޝްގެ ޑާކާއަށް ފުރަން އުޅެނިކޮށެވެ.
ވަގަށް ބޭރުކުރަން އުޅުނު ޑޮލަރުތައް ފެނުނީ އޭނާގެ ލަގެޖު ތެރޭ ކޯންފްލޭކްސް ޕެކެޓެއްގައި ބަންދުކޮށްފައި ހުއްޓަ އެވެ.
އެ މައްސަލާގައި އޭނާގެ މައްޗަށް ކުރީ ރާއްޖެއިން ސިއްރުން މުދާ ބޭރުކުރަން އުޅުމުގެ ދައުވާ އެވެ. މި ދައުވާއަށް ޝަހްމިން ވަނީ އިއުތިރާފުވެ، ދައުލަތާ އެކު އިއުތިރާފު އެއްބަސްވުމެއް ހަދައިފަ އެވެ.
ދައުލަތާއެކު ހެދި އިއުތިރާފު އެއްބަސްވުމުގައި ޝަހްމިން އެދިފައިވަނީ މައްސަލައިގައި ވީހާވެސް އަވަހަކަށް ހުކުމްކޮށް، އޭނާ ރާއްޖޭން ޑީޕޯޓްކޮށްލައި ގައުމަށް ދެވޭނެ ގޮތް ހަދައިދިނުމަށެވެ.
ޝަހްމިންގެ އިއުތިރާފުގެ މައްޗަށް ބިނާކޮށް އޭނާގެ މައްޗަށް ކުށް ސާބިތުވާ ކަމަށް ކަނޑައަޅައި 12،000 ރުފިޔާގެ ޖޫރިމަނާގެ ހުކުމެއް އިއްވި އެވެ. އަދި އޭނާގެ އަތުން ފެނުނު ޑޮލަރުތައް ދައުލަތަށް ނެގުމަށް ވެސް އަމުރުކުރި އެވެ.
ގުޅުންހުރި
މެންބަރުކަން ގެއްލުވާލުމުގެ ބާރު ސިޔާސީ ޕާޓީއަށް ދިނުމުން ރައްޔިތުންގެ ބާރު ގެއްލޭ:
ސްޓެލްކޯގެ ފުރިހަމަ މަސައްކަތެއް؛ އިސްލާމީ މަރުކަޒުގެ މަސްފެންގަނޑު މަރާމާތުކޮށް ރީތިކޮށްލައިފި
އައިކޮމްގެ އަޑުއެހުމަށް ހާޒިރުނުވުމުން ހައުސިން މިނިސްޓްރީ ޖޫރިމަނާކޮށްފި
މަނާކުރަންވީ ފަލަސްތީނުގައި ގަތުލުއާންމު ހިންގާ މީހުންގެ ޕާސްޕޯޓް އެކަނި: ނާޒިމް
މަޖިލީހުގެ ގާނޫނީ ހައިސިއްޔަތާ މެދު ސުވާލު އުފެދިއްޖެ، ކޯޓަށް ދާން މަޝްވަރާކުރާނަން:
އިޒްރޭލު ޕާސްޕޯޓް މަނާކުރާ ބިލާ ގުޅޭ ގަރާރު ބޭރުކުރީ އެމްޑީޕީގެ ހެޔޮނިޔަތް