ސިޔާސީ ޕާޓީއެއްގެ މެންބަރަކު ގާނޫނާހިލާފު ކަމެއް ކޮށްފިނަމަ، އެ މެންބަރަކު ނިސްބަތްވާ ޕާޓީ ޖޫރިމަނާ ކުރެވޭ ގޮތަށް ސިޔާސީ ޕާޓީގެ ގާނޫނަށް ގެނައި އިސްލާހު ރައީސް ޑރ. މުހައްމަދު މުއިއްޒު މިއަދު ތަސްދީގު ކުރައްވައިފި އެވެ.
ރައްޔިތުންގެ މަޖިލީހުން އެ އިސްލާހު ފާސްކޮށްފައިވަނީ މިދިޔަ ބުރާސްފަތި ދުވަހުގެ ޖަލްސާގަ އެވެ.
އެ ބިލުގައިވާ ގޮތުން ސިޔާސީ ޕާޓީއެއްގެ މެމްބަރު ކަމަށް ގަވާއިދާ ހިލާފަށް މީހެއްގެ ނަން ހުށަހެޅުން ފިޔަވައި، ގާނޫނުގެ އެހެން މާއްދާއަކާ ހިލާފުވާ ފަރާތްތަކަށް އަދަބު ކަނޑައެޅޭނެ އެވެ. އެގޮތުން ގާނޫނާހިލާފުވާ މެންބަރުން 30،000ރ. އާއި 75،000ރ.އާ ދެމެދުގެ އަދަދަކުން ޖޫރިމަނާކޮށް، އެ އަމަލެއް ހިންގި ފަރާތް ނިސްބަތްވާ ޕާޓީ 100،000ރ.އިން ޖޫރިމަނާކުރާނެ އެވެ.
ސިޔާސީ ޕާޓީގެ ގާނޫނުގައި ކުރިން ބަޔާންކޮށްފައިވަނީ ދެ ބާވަތެއްގެ ޖޫރިމަނާއެވެ. އެއީ ޕާޓީއެއްގެ މެންބަރު ކަމަށް ގަވައިދާ ހިލާފަށް މީހެއްގެ ނަން ހުށަހަޅައިފި ނަމަ، އެކަން ކުރި ފަރާތެއް 5،000ރ. އާއި 10،000ރ.ގެ އަދަދަދުން ޖޫރިމަނާ ކުރުމާއި އެ ނޫން ހުރިހާ ކަމެއް ފިޔަވައި، ގާނޫނުގެ އެހެން މާއްދާއަކާ ހިލާފުވާ ފަރާތެއް 30،000ރ. އާއި 75،000ރ.އާ ދެމެދުގެ އަދަދަކުން ޖޫރިމަނާ ކުރުމެވެ.
އެ ގާނޫނަށް އަލަށް ގެނައި އިސްލާހުގައި ވަނީ ޕާޓީއެއްގެ މެމްބަރަކު ނިސްބަތްވާ ޕާޓީ 100،000ރ. އިން ޖޫރިމަނާ ކުރުމެވެ.

ގުޅުންހުރި
ރައީސްގެ ޔޫކޭ ދަތުރުފުޅު: ލިވަޕޫލްގެ ފުޓްބޯޅަ އެކެޑަމީއެއް ރާއްޖޭގައި ހަދަން މަޝްވަރާ
ސިނގިރޭޓު ވިއްކާ ފަރާތްތަކަށް ރައީސް: ތިއީ ކުރާވަރުގެ ކަމެއް ނޫން، އެހެންކަމަކާ
އޯޓިޒަމް ހުންނަ ކޮންމެ ކުއްޖަކީ މޮޅު ކުއްޖެއް، އެ ކުދީންނަށް ލޯބިދިނުމަކީ
ލިވަޕޫލް އާއެކު ހިންގާ ކެމްޕެއިން ރަސްމީކޮށް އިއުލާން ކުރުމަށް ރައީސް ޔޫކޭއަށް
މުސާރަ ކުޑަކޮށްފި ނަމަ ކެމްޕެއިނަށް ނެގި އެތައް މިލިއަނެއްގެ ދަރަނި އަދާނުކުރެވޭނެ:
ރާއްޖޭގެ މިނިވަންކަން ގާއިމުކުރަން ހިންގާ މަޝްރޫއުތަކުގެ އަގު 100 މިލިއަން ޑޮލަރަށް